Chempıonshıptiń tórtinshi týrynda, aǵylshyn fýtbolynyń ekinshi mańyzdy dıvızıonynda, «Bernlı» men «Mıdlsbro» teń oınap, jeńimpazdy anyqtaı almady. Bernlıdegi «Terf Mýr» stadıonynda ótken kezdesý 1:1 esebimen aıaqtaldy, dep habarlaıdy infohub.kz.
Machta esepti qonaqtar ashty: 23-mınýtta amerıkalyq jartylaı qorǵaýshy Eıdan Morrıs gol soqty. Al 54-mınýtta alań ıeleri fransýz jartylaı qorǵaýshysy Iýgo Ragýberdiń golymen jaýap berdi.
Qazaqstandyq shabýylshy Dastan Satpaev qatarynan úshinshi ret «Bernlı» sapynda negizgi quramda alańǵa shyqty. Ol alańda 81 mınýt ótkizip, keıin aýystyryldy. Osy ýaqyt ishinde 18 jasar forvard qarsylas qaqpasyna eki soqqy jasady, ekeýin de cheh qaqpashysy Radek Vıtek qaıtardy. Satpaevtyń 18 pasynyń 17-si dál boldy.
Satpaev alańnan shyqqanda, kóptegen jankúıerler oǵan turyp qol soqty. «Bernlı» bas bapkeri Nık Haıen de oıynshyǵa oıyn úshin alǵys bildirdi.
Bul teń oıyn «qyzyl-kókterge» Chempıonshıptegi eki jeńilis serıasyn toqtatýǵa múmkindik berdi, alaıda komanda týrnırde áli birde-bir jeńiske jetken joq. Eki upaımen «Bernlı» sońǵydan keıingi 23-orynda tur, tek upaı jınamaǵan «Prestonnan» ǵana ozyp tur. Al «Mıdlsbro» jeti upaımen besinshi orynǵa kóterildi.