AQSH-tyń Sent-Lýıs qalasynda ótip jatqan áıelder arasyndaǵy Cairns Cup-2026 sýpertýrnıriniń segizinshi týrynda qazaqstandyq grosmeıster Bıbısara Asaýbaeva qaramen oınap, Qytaıdan kelgen 16-dúnıejúzilik chempıon Tan Chjýnıdan jeńilis tapty. Osy týrdan keıin Asaýbaeva amerıkandyq Karıssa Iıppen úshinshi oryndy bólisip tur, dep habarlaıdy infohub.kz saıty.
22 jastaǵy Asaýbaevanyń týrnır kestesinde kósh bastap turǵan Tan Chjýnımen oıyny oryndardy bólýde sheshýshi mánge ıe boldy. 2017-2018 jyldary shahmat tájin ıelengen 35 jastaǵy qytaılyqtyń tájirıbesi sheshýshi ról atqardy.
Qazaqstandyq shahmatshy qaramen ótkir qarsy oıyn júrgizip, ataqty qarsylasyn qarsy qozǵalysta ustaýǵa tyrysty. Asaýbaevanyń bosaǵan peshkasy úshinshi gorızontalǵa jetti, alaıda qytaılyqtyń qarama-qarsy flańtaǵy mat qaýipteri basym bolyp shyqty. Nátıjesinde Chýnsın týmasy 48-shi júriste jeńiske jetti.
Bul jeńilisten keıin Asaýbaeva ekinshi oryndy amerıkandyq Elıs Lıge berdi. Ol qaramen álemdik tájge úmitker úndistandyq Vaıshalı Rameshbabany utty.
Bıbısaramen úshinshi oryndy taǵy bir amerıkandyq Karıssa Iıp bólisedi. Ol aqpen grek Stavrýla Solakıdýdy jeńdi. Buǵan deıin Iıp pen Asaýbaeva jeke kezdesýinde jalańash kоrólderge deıin oınaǵan bolatyn.
Toǵyzynshy týrda Asaýbaeva aqpen úndistandyq grosmeıster Hampı Konerýmen oınaıdy. Tan Chjýnı qaramen Solakıdýmen kezdesse, Lı men Iıp amerıkandyq derbıde baq synaıdy.
Júlde qory 250 000 dollardy quraıtyn bedeldi áıelder sýpertýrnıri Cairns Cup AQSh shahmatynyń Mekkesi atalatyn Sent-Lýıste ótýde.
Týrnır Sent-Lýıs shahmat klýbynyń negizin qalaýshylardyń biri, Álemdik shahmat dańq zalynyń múshesi Djınn Kerns Sınkfıldtiń qurmetine atalǵan.
Arnaıy shaqyrtý alǵan on shahmatshy bir aınalymda oınaıdy. Ýaqyt baqylaýy — klasıkalyq. Upaılar teń bolǵan jaǵdaıda jyldam shahmat formatynda pleı-off qarastyrylǵan.
Sent-Lýıste qatar erler arasyndaǵy Sinquefield Cup-2026 týrnıri de ótýde. Ol da Djınn Kerns Sınkfıldtiń qurmetine atalǵan. Júlde qory 475 000 dollardy quraıtyn bul týrnırge Asaýbaevanyń jigiti Javohır Sındarov qatysýda. Segizinshi týrda ózbek grosmeısteri qatarynan ekinshi jeńisine qol jetkizdi, al onyń qarsylasy nıderlandıalyq Iorden van Forest 56-shy júriste berildi.