Qazaqstandyq shahmatshy Bıbısara Asaýbaeva Sen-Tropede ótken WR Women's Chess Tour 2026 blıs-týrnırinde kúmis júldeger atandy, dep habarlaıdy infohub.kz.
Fransıadaǵy jarysta grosmeıster «armageddon» barysynda ýkraınalyq Marıa Mýzychýkty jeńip shyǵyp, keıin nemis Elızabet Petsti tize búktirdi.
Osy nátıjelerdiń arqasynda Asaýbaeva fınalǵa shyǵyp, onda taǵy bir ýkraınalyq Anna Mýzychýkpen kezdesti. Sheshýshi báseke qazaqstandyq shahmatshynyń 1,5:2,5 esebimen jeńilýimen aıaqtaldy.
Osylaısha, Asaýbaeva kúmis júldeni qanjyǵalady. Bir kún buryn ol rapıd-týrnırdiń chempıony atanǵan edi, ıaǵnı shahmatshy Sen-Tropede «altyn dúblge» jete jazdady.
«Osy nátıjelerdiń arqasynda men bıylǵy jyldyń qarasha aıynda Germanıada ótetin fınalǵa joldama aldym. Týrnırge men AQSH-taǵy Cairns Cup aıaqtalǵan soń birden ushyp keldim, sondyqtan sońǵy aptalar óte qarqyndy ótti – kóp shahmat, ushýlar jáne emosıalar», – dedi Asaýbaeva óziniń Instagram-paraqshasynda.
AQSH-taǵy Cairns Cup-ta qazaqstandyq shahmatshy qola júldege ıe boldy.