Shymkenttiń «BIIK-Shymkent» áıelder fýtbol klýby 2026 jylǵy Qazaqstan áıelder lıgasynyń jeńimpazy atandy. Osylaısha komanda tıtýl sany boıynsha rekordty jańartty, dep habarlaıdy infohub.kz saıty.
Turaqty chempıonatta shymkenttik qyzdar 16 oıynda jeńiske jetip, bir ret qana utyldy. Jalpy dop aıyrmasy 135:5 boldy. Osy nátıje «BIIK-Shymkentke» A konferensıasynda birinshi oryndy ıelenip, pleı-offqa shyǵýǵa múmkindik berdi.
Jartylaı fınalda shymkenttikter astanalyq «Jeńisti» 5:0 esebimen tize búktirdi. Sheshýshi machta taǵy bir iri jeńiske qol jetkizildi — túrkistandyq «Turandy» 3:0 esebimen utty.
Osylaısha «BIIK-Shymkent» 14-shi ret Qazaqstan chempıony atandy. Komanda ótken maýsymda «Aqtóbeniń» ıelengen tıtýlyn qaıtaryp aldy.
«Turan» chempıonatty kúmis medalmen aıaqtady. Qola júlde úshinshi oryn úshin machta «Jeńisti» 2:0 esebimen jeńgen «Aqtóbe» fýtbolshylaryna buıyrdy.
Maýsymnyń úzdik mergeni «Aqtóbeniń» qazaqstandyq shabýylshysy Alına Lıtvınenko boldy, ol 49 dop soqty. Eń kóp goldyq pas onyń komandalasy — japondyq jartylaı qorǵaýshy Aıaka Kamımýranyń enshisinde (20).