Qazaqstandyq tenısshi Aleksandr Býblık álemdik reıtıńte tómendeýdi jalǵastyrýda. Búgin jarıalanǵan Kásibı tenısshiler qaýymdastyǵynyń (ATP) sońǵy reıtıńine sáıkes, ol 16-orynda tur. Monreal men Sınsınnatı týrnırlerin ótkizip jibergen sportshy ótken aptamen salystyrǵanda bes satyǵa tómendedi, dep habarlaıdy infohub.kz.
Sonymen qatar, AQSh ashyq chempıonaty-2026 mıkstindegi perspektıvaly jup tarady. Vınýs Ýıláms pen Aleksandr Býblıktiń dýeti búgin túnde bastalatyn aralas jupta óner kórsetpeıdi. 46 jastaǵy amerıkalyq tenısshi týrnır bastalar aldynda jaraqat alǵan. Aıta keteıik, onyń qaryndasy, 44 jastaǵy Serena Ýıláms mıkstke ıspandyq Karlos Alkaraspen jup quryp qatysady.
Júlde qory bir mıllıon dollardy quraıtyn mıkstke Elena Rybakına da qatyspaıdy, ol Sınsınnatı týrnırinde ahılles sińirin jaraqattaǵan. Álemniń ekinshi raketkasy jeke synda óner kórsete ala ma, bul US Open-2026 jerebesi ótetin 27 tamyzǵa deıin belgili bolady.
Bul aptada ATP-tyń 250 sanatyndaǵy jalǵyz iri týrnır — amerıkandyq Ýınston-Seılemde ótedi. Qazaqstandyq tenısshiler oǵan qatyspaıdy. Býblık, Aleksandr Shevchenko jáne bizdiń jasóspirimder meıdjorǵa jattyǵý prosesi arqyly daıyndalǵandy jón kóredi.
AQSh ashyq tenıs chempıonaty — qatty kortta ótetin jyl saıynǵy «Úlken dýlyǵa» týrnıri, kúntizbelik jyldaǵy tórt meıdjordyń sońǵysy. Dástúr boıynsha, US Open tamyzdyń sońǵy dúısenbisinde bastalady. Alaıda, ekinshi jyl qatarynan jarys mıkst týrnıriniń aýystyrylýyna baılanysty bir apta buryn bastalady.
US Open-2026 23 tamyz ben 13 qyrkúıek aralyǵynda ótedi. Jalpy júlde qory 108 mıllıon dollardy quraıdy, bul «Úlken dýlyǵa» týrnırleri úshin rekordtyq kórsetkish. Týrnır alǵash ret 1881 jyldyń tamyzynda ótken. Bes negizgi razrádtan basqa, jarys aıasynda ardagerler, jasóspirimder jáne arbadaǵy tenısshiler arasynda da machtar ótkiziledi. 1978 jyldan bastap machtar Nú-Iorktegi Kýıns, Flashıng-Medoýz-Korona saıabaǵyndaǵy Bıllı Djın Kıng atyndaǵy Ulttyq tenıs ortalyǵynda ótedi.
Negizgi razrádtardaǵy qazirgi chempıondar — joǵaryda atalǵan Karlos Alkaras pen belarýs Arına Sobolenko.