Qazaqstandyq tenısshi Aleksandr Býblık (16) AQSh ashyq chempıonatynyń úshinshi aınalymyna senimdi joldama aldy. Ol ekinshi raýndta fransýz Adrıan Mannarınony (67) 6:3, 6:1, 6:1 esebimen jeńdi, dep habarlaıdy infohub.kz.
Mach nebári 1 saǵat 20 mınýtqa sozyldy. Býblık oıyndy tolyq baqylaýda ustady, ásirese óz podachasynda tamasha óner kórsetti. Qazaqstandyq tenısshi úsh qos qatelik jasaǵanymen, 16 eıs soqty. Al onyń qarsylasy nebári bir ret eıspen upaı aldy.
Býblıktiń birinshi podachanyń dáldigi 73 paıyzdy qurady. Ol birinshi doptaǵy 45 upaıdyń 41-in jeńip aldy (91%). Mannarınonyń bul kórsetkishi aıtarlyqtaı tómen boldy — birinshi podachadaǵy rozygryshtardyń tek 53 paıyzyn utyp aldy.
Qazaqstandyq tenısshiniń basymdyǵy qabyldaý kezinde de aıqyn baıqaldy. Býblık qarsylasynyń podachasyndaǵy 64 upaıdyń 32-sin jeńip, 14 breık-poınttyń altaýyn realızasıalady. Mannarıno búkil mach boıy nebári bir breık-poıntqa ıe boldy, ony da paıdalana almady. Jalpy upaı araqatynasy Býblıktiń paıdasyna 82:44 boldy.
Úshinshi aınalymda Aleksandr Býblık amerıkalyq Tommı Pol men horvat Dıno Prıjmıch arasyndaǵy mach jeńimpazymen kezdesedi.
Aldyńǵy kúni US Open-2026 ekinshi aınalymyna Elena Rybakına men Iýlıa Pýtınseva da shyqty. Rybakına 17 jastaǵy Teıa Frodındi senimdi túrde utsa, Pýtınseva Belında Benchıchpen machta kambek jasady. Al Aleksandr Shevchenko Dıno Prıjmıchten bes sette jeńilip, týrnırdi aıaqtady.
AQSh ashyq tenıs chempıonaty — hardta ótetin jyl saıynǵy «Úlken dýlyǵa» týrnıri, kúntizbedegi tórt meıdjordyń sońǵysy. Alǵash ret 1881 jyly tamyzda ótken US Open qatarynan ekinshi jyl qatarynan bir apta buryn bastalady, sebebi mıkst týrnıri basqa ýaqytqa aýystyryldy. Jalpy júlde qory — 108 mıllıon dollar — meıdjorlar arasynda rekordtyq kórsetkish.
1978 jyldan beri machtar Nú-Iorktegi Bıllı Djın Kıng atyndaǵy Ulttyq tenıs ortalyǵynda ótedi.
Erler arasyndaǵy qazirgi chempıon — ıspanıalyq Karlos Alkaras (3). Ol byltyrǵy fınalda Iannık Sınnerdi 6:2, 3:6, 6:1, 6:4 esebimen jeńgen edi. Aıtpaqshy, ıtalıalyq, álemniń birinshi raketkasy, tize jaraqatyna baılanysty US Open-2026-dan bas tartty.
Áıelder arasynda 2025 jyly belarýs Arına Sobolenko jeńimpaz atandy. Sheshýshi machta ol amerıkalyq Amanda Anısımovany 6:3, 7:6 (7:3) esebimen utty.