Qazaqstannyń birinshi raketkasy Aleksandr Býblık AQSh ashyq chempıonatynyń juptyq jarysynda jeńispen bastady, dep habarlaıdy infohub.kz.
Qytaılyq Szúnchen Shanmen birge qazaqstandyq tenısshi birinshi aınalymda argentınalyq Sebastán Baes pen majarstandyq Fabıan Marojanmen kezdesti. Mach nebári eki setke sozylyp, 6:2, 6:4 esebimen Býblık pen Shannyń paıdasyna aıaqtaldy.
Sportshylar kortta 56 mınýt ótkizip, bir eıs jasady, qosarlanǵan qatelik jibermedi jáne úsh breık-poıntty paıdalandy.
Ekinshi aınalymda Býblık pen Shan jańa zelandıalyq Fın Reınolds pen Djeıms Ýotttyń, sondaı-aq argentınalyq Gıdo Andreossı men fransýz Manýel Gınardyń jubynyń jeńimpazymen kezdesedi. Bul jup jetinshi nómirli bolyp tur.
Sondaı-aq, US Open juptyq jarysynda qazaqstandyq Andreı Golýbev pen Aleksandr Nedovesov dýeti de óner kórsetedi.
Eske salaıyq, buǵan deıin Býblık jeke synda úshinshi aınalymda amerıkalyq Tommı Poldan jeńilip, jarysty aıaqtaǵan edi.