Qazaqstannyń fýtboldan jastar quramasynyń (U21) aǵa jattyqtyrýshysy Vladımır Chebýrın Eýro-2027 irikteýiniń qorytyndy úsh machyna daıyndalatyn 23 oıynshynyń tizimin bekitti, dep habarlaıdy infohub.kz saıty.
Qaqpashylar qataryna Mıras Rıhard («Ertis»), Saıathan Qusaıynov («Turan») jáne Sherhan Qalmyrza («Qaırat») shaqyryldy.
Qorǵanysqa Sultan Asqarov («Qaısar»), Salamat Jumabekov («Qaısar»), Sanjar Anýarov («Astana»), Ramazan Kárimov («Ertis»), Saǵı Málikaıdar («Ertis»), Álı Turǵanov («Ordabasy»), Sergeı Ivanov («Altaı») jáne Nıkıta Gýbarev («Qyzyljar») kirdi.
Ortańǵy shepti Abınýr Nurymbet («Ordabasy»), Ahmetalı Qaltanov («Astana»), Jansultan Muhamethanov («Oqjetpes»), Mıras Omataı («Elimaı»), Oljas Baıbek («Qaırat»), Muhamedálı Ábish («Qaırat») jáne Seıf Popov («Altaı») ókildik etedi.
Shabýylda Artem Lıtosh («Shahter»), Ian Trýfanov («Atyraý»), Maǵjan Toqtybaı («Ordabasy»), Maqsat Abraev («Astana») jáne Mansur Birqurmanov («Qaırat») oınaıdy.
İrikteý sıkliniń qorytyndy kezdesýleriniń kúntizbesi mynadaı: 25 qyrkúıekte qazaqstandyq jastar quramasy Výlverhemptondaǵy «Molınú» stadıonynda Anglıa quramasymen kezdesedi. 29 qyrkúıekte Chebýrın shákirtteri Kork qalasyndaǵy «Ternerz Kros» arenasynda Irlandıaǵa qarsy mach ótkizedi. İrikteý 6 qazanda Nısporenada Moldovamen oıynmen aıaqtalady.
Eske salaıyq, naýryzda Qazaqstannyń jastar quramasy Túrkistanda irikteýdiń eki úı machyn ótkizgen bolatyn. Chebýrın basqarǵan alǵashqy oıynda komanda Slovakıadan 1:3 esebimen jeńilip, alań ıeleriniń jalǵyz golyn Maǵjan Toqtybaı soqty. Tórt kúnnen keıin Qazaqstan Irlandıadan mınımaldy eseppen – 0:1 utyldy, sheshýshi dop 89-mınýtta soǵyldy. Osy jeńilisten keıin qazaqstandyq jastar Eýro-2027 fınaldyq kezeńine shyǵý múmkindiginen matematıkalyq turǵydan aıyryldy. Jeti machtan keıin komandanyń qorjynynda tórt upaı bar.
Jastar arasyndaǵy Eýropa chempıonatynyń fınaldyq týrnıri 2027 jyldyń jazynda Albanıa men Serbıada ótedi.