Comic Con Astana-da halyqaralyq kospleı baıqaýynyń qorytyndysy shyǵaryldy. Qatysýshylar oıyndar, fılmder, serıaldar jáne basqa da tanymal álemderdiń keıipkerlerine aınaldy. Fınalǵa 20-dan astam elden 64 qatysýshy shyqty, dep habarlaıdy infohub.kz saıty.
Baıqaýdyń baspasóz qyzmetiniń málimetinshe, festıváldiń birinshi kúninde 16 myńnan astam adam keldi — bul joba tarıhyndaǵy alǵashqy kúnniń eń joǵary kórsetkishi. Tórt kún ishinde Comic Con Astana-ǵa 76 myńnan astam qonaq keldi.
Bas júlde — 4,5 mıllıon teńge — reseılik kospleıshi Frau_Haku-ǵa buıyrdy. Ol «Comic Con Astana 2026 Arena chempıony» atandy. Onyń jeńimpaz beınesi — Baldur's Gate 3 oıynyndaǵy Reaper's Embrace saýytyndaǵy Laezel.
Birinshi oryn jáne 2,3 mıllıon teńge — The Witcher 3: Wild Hunt oıynyndaǵy Eredın Breakk Glastyń beınesin usynǵan reseılik kospleıshi Horn-ǵa berildi. Ekinshi oryn jáne 1,6 mıllıon teńge — Monster Hunter oıynyndaǵy Ańshynyń beınesimen astanalyq Gol.D.Moon-ǵa tıesili boldy. Úshinshi oryn jáne 1,2 mıllıon teńge — Warhammer 40,000 álemindegi Adeptýs Astartes beınesinde óner kórsetken astanalyq «Mýjıskı dojd» komandasyna berildi.
Sondaı-aq arnaıy júldeler tabystaldy. «Comic Con Astana Sýperqaharmany» nomınasıasynda astanalyq «Te samye» komandasy jeńiske jetip, Lies of P oıynyndaǵy «Qara qoıan baýyrlastyǵy» beınesi úshin 1 mıllıon teńge aldy. Almatylyq otbasy Baba-Ága men Vasılısa beınesinde kelip, «Sýperotbasy» júldesine — 800 myń teńgege ıe boldy. League of Legends oıynyndaǵy Battle Queens beınesin usynǵan serbıalyq Baby Sitters komandasy Avengers Assemble! nomınasıasynda 800 myń teńge utyp aldy. Temirtaýlyq kospleıshi Staayshia «Ashtyq oıyndaryndaǵy» Kıtnıss Everdın beınesimen kórermenderdiń tańdaýy boıynsha «Comic Con Astana Krashy» atalyp, 600 myń teńge aldy.
Taǵy 12 arnaıy nomınasıada jeńimpazdar 600 myń teńgeden aldy. Júldeler tehnologıalyq sheshimder, erekshelik, kostúm jasaý sheberligi jáne sahnalyq keıipkerdi somdaý úshin berildi. Barlyǵy júlde qoryna 20 mıllıon teńge bólindi. Kostúmderge qarap, qatysýshylar jaı ǵana sýretke túsý úshin kelmegeni ańǵarylady — kópshiligi óz ónerlerin naǵyz shoýǵa aınaldyrdy.
Buǵan deıin Kursiv LifeStyle «Tak oıynynyń» Djeıme Lannıster rólimen tanymal danıalyq akter Nıkolaı Koster-Valdaý Comic Con Astana 2026 kezinde jýrnalısermen suhbattasqanyn jazǵan bolatyn. Ártis baspasóz máslıhatynan bir kún buryn kelip, Astanany aralap úlgergen.