Qazaqstandyq tenısshi Damır Jalǵasbaı amerıkalyq Safır Azammen birge US Open-2026 jasóspirimder arasyndaǵy juptyq synda sátti start aldy, dep habarlaıdy infohub.kz.
Birinshi aınalymda Jalǵasbaı/Azam dýeti taı-úndi juby Kýnanan Pantaratorn men Arnav Paparkardy 6:4, 6:2 esebimen jeńdi. Kezdesý 58 mınýtqa sozyldy.
Birinshi sette onynshy geımde jasalǵan breık sheshýshi boldy. Ekinshi partıada qazaqstandyq pen amerıkalyq basynan bastap bastamany qolǵa alyp, breıkpen 3:0 esebine jetip, machty senimdi aıaqtady.
Shırek fınalǵa shyǵý úshin Jalǵasbaı men Azam japondyq Hú Kavanıshı men Kanta Vatanabe dýetimen kezdesedi. Olar birinshi aınalymda úshinshi raketkalar amerıkalyqtar Maıkl Antonıýs pen Djordan Lıdi 6:3, 7:5 esebimen jeńgen.
Jalǵyz synda Jalǵasbaı alǵashqy machta amerıkalyq Djek Sekordqa ese jiberip, jarysty aıaqtady.
Nú-Iorkte Elena Rybakına da baq synap jatyr. Álemniń ekinshi raketkasy shırek fınalda qytaılyq Chjen Sınvendi jeńse, jartylaı fınalǵa shyǵa alady.
AQSh ashyq chempıonaty — jyl saıynǵy «Úlken dýlyǵa» týrnıri, hard kortynda ótedi jáne kúntizbelik jyldaǵy tórt meıdjordyń sońǵysy. Jalpy júlde qory rekordtyq 108 mıllıon dollardy quraıdy.
1978 jyldan bastap machtar Nú-Iorktegi Bıllı Djın Kıng atyndaǵy Ulttyq tenıs ortalyǵynda ótkiziledi.
Erler arasyndaǵy qazirgi chempıon — Karlos Alkaras. Ol byltyrǵy fınalda Iannık Sınnerdi jeńgen. Ispanıalyq tenısshi amerıkalyq Tommı Poldy (21) 6:4, 6:3, 6:4 esebimen utyp, bıylǵy týrnırdiń shırek fınalyna shyqty.
Áıelder arasynda 2025 jylǵy jeńimpaz Arına Sobolenko boldy. Sheshýshi machta ol amerıkalyq Amanda Anısımovany utqan edi. Belarýs tenısshisi búgin cheh Lında Noskovany 7:6 (7:1), 3:6, 7:6 (10:7) esebimen jeńip, 2026 jylǵy jartylaı fınalǵa shyqty.