Qazaqstandyq tenısshi Anna Danılına men Serbıa ókili Aleksandra Krýnıch AQSh ashyq birinshiliginiń áıelder jubynda sátti bastady, dep habarlaıdy infohub.kz.
Úshinshi nómirli jup birinshi aınalymda chılılik Aleksa Gýarachı men mysyrlyq Maıar Sherıfti 7:5, 7:6 (9:7) esebimen jeńdi. Mach 1 saǵat 59 mınýtqa sozyldy. Alǵashqy partıada Danılına men Krýnıch sońǵy bóliginde basym túsip, 7:5 esebimen setti óz qorjyndaryna saldy. Ekinshi partıada taı-breıkke deıin jetkende, qazaqstandyq-serbıalyq dýet 9:7 esebimen basym tústi.
Mach statısıkasy: Danılına men Krýnıch birinshi dopty 74% jaǵdaıda dál berip, birinshi doptaǵy 29 rozygryshtyń 21-inde upaıǵa ıe boldy (72%). Mach barysynda olar qarsylastarynyń 17-sine qarsy 21 vınner jasady, al Gýarachı men Sherıftiń 9 qatesine qarsy 8 eriksiz qate jiberdi.
Kelesi aınalymda úshinshi nómirli jup Tatána Marıa/Zeınep Sonmez – Ekaterına Aleksandrova/Talıa Gıbson jubynyń jeńimpazdarymen kezdesedi.
Jeke synda Elena Rybakına men Aleksandr Býblık júlde úshin kúresti jalǵastyrýda. Ekinshi aınalymda Rybakına ıspanıalyq Djessıka Býzas Maneırony, al Býblık fransýz Adrıan Mannarınony jeńdi. Iýlıa Pýtınseva ekinshi aınalymda qytaılyq Chjen Sınvennen utylyp, jarysty aıaqtady. Aleksandr Shevchenko týrnırdiń basynda horvat Dıno Prıjmıchten jeńildi.
AQSh ashyq birinshiligi – hardta ótetin jyl saıynǵy «Úlken dýlyǵa» týrnıri, kúntizbelik jyldaǵy tórt meıdjordyń sońǵysy. Alǵash ret 1881 jyly tamyzda ótken US Open, mıkstegi týrnırdiń aýysýyna baılanysty qatarynan ekinshi jyl bir apta erte bastalady. Jalpy júlde qory – $108 mln – meıdjorlar úshin rekordtyq. 1978 jyldan bastap machtar Nú-Iorktegi Bıllı Djın Kıng atyndaǵy Ulttyq tenıs ortalyǵynda ótedi.
Erler arasyndaǵy qazirgi chempıon – ıspanıalyq Karlos Alkaras, ol ótken jylǵy fınalda Iannık Sınnerdi 6:2, 3:6, 6:1, 6:4 esebimen jeńgen bolatyn. Álemniń birinshi raketkasy ıtalıalyq tize jaraqatyna baılanysty US Open-2026-dan bas tartty. Áıelder arasynda 2025 jylǵy jeńimpaz belarýs Arına Sobolenko boldy, ol sheshýshi machta amerıkalyq Amanda Anısımovany 6:3, 7:6 (7:3) esebimen utty.