Bokstan olımpıada chempıony Danıar Eleýsinov аlkogólge táýeldiligi týraly ashyq málimdegen soń emdele bastaǵanyn habarlady. Bul týraly sportshy Instagram paraqshasynyń stories bóliminde jazdy, dep habarlaıdy infohub.kz saıty.
«Mine, qazir emdele bastadym, tek tamshylatyp qana emes, tolyq — keshendi túrde. Menińshe, bári jaqsy bolady», — dep keltiredi onyń sózin NUR.KZ.
Eleýsinov sondaı-aq jankúıerlerine keıbir aıtqan sózderine mán bermeýdi surady. «Eger bireýdi renjitsem, qatty sózder aıtsam, keshirińizder, kimde bolmaıdy deısiz, meniń bir jaman ádetim bar — tikeleı efırge shyǵamyn. Biraq endi bulaı bolmaıdy dep oılaımyn. Bul dertten arylýǵa baıypty nıettendim. Jaqynda sapqa oralamyn, burynǵy Danıar — kóńildi, baqytty qalpyna keledi», — dedi olımpıada chempıony.
Eske salaıyq, shilde aıynyń basynda Danıar Eleýsinov qamaýǵa alynyp, júrgizýshi kýáliginen aıyrylǵan bolatyn. Sonymen qatar, astanalyq polısıa onyń JKO-dan keıingi ustalý barysyn kórsetti. Osy oqıǵalardan keıin bokstan olımpıada chempıony alǵash ret аlkogólge qatysty máselesi týraly ashyq málimdep, jankúıerlerine júgindi.