Qazaqstanda dári-dármek qunyna baqylaý kúsheıtildi. Tek 2026 jyldyń shildesinde 589 ataýym boıynsha baǵa tómendedi. Farmbaqylaý komıtetinde dárilerdiń shekti baǵasyn qalaı tekserýge jáne dárihanalardaǵy qymbatshylyqqa qaıda shaǵymdanýǵa bolatynyn aıtty, dep habarlaıdy infohub.kz saıty.
Komıtettiń málimetinshe, shildede 2,5 myńnan astam preparattyń quny taldanǵan. 1 267 pozısıa boıynsha baǵa ózgermese, 589 dárilik zattyń quny tómendegen.
Vedomstvo bul proseste sıfrlandyrýdyń mańyzy zor ekenin atap ótti, sebebi tańbalaý júıesi dáriniń óndirýshiden dárihanaǵa jáne sońǵy tutynýshyǵa deıingi tolyq jolyn qadaǵalaýǵa múmkindik beredi.
Farmbaqylaý komıteti dári qunyn tekserý úshin NAQTY ONIM sıfrlyq servısin paıdalanýǵa bolatynyn eske saldy. Qosymshaǵa kirip, 2024 jyldyń 1 shildesinen keıin óndirilgen preparattyń qaptamasyndaǵy Data Matrix kodyn skanerleý kerek. Osydan keıin adamǵa dári, óndirýshi, tańbalaý jáne onyń jetkizý tizbegi boıynsha qozǵalysy týraly barlyq aqparat qoljetimdi bolady.
Sonymen qatar, servıs belgilengen shekti bólshek baǵany tekserip, ony dárihanadaǵy preparat qunymen salystyrýǵa múmkindik beredi.
«Qandaı da bir buzýshylyq anyqtalǵan jaǵdaıda, aqparatty ýákiletti organdardyń qaraýyna jiberýge bolady», – delingen habarlamada.
Dárige artyq tólemeý úshin qazaqstandyqtarǵa mynalar usynylady:
dárilerdi tek lısenzıasy bar dárihanalardan satyp alý;
retteletin dárilerdiń shekti bólshek baǵasyn tekserý;
birdeı preparattyń qunyn ártúrli dárihanalarda salystyrý;
qoljetimdirek generıkalyq analogtardyń bar-joǵyn suraý;
túbirtekterdi saqtaý;
baǵanyń joǵarylaǵany anyqtalsa, Farmbaqylaý komıtetiniń aýmaqtyq departamentterine habarlasý.
Buǵan deıin «Kýrsıv» «SK-Farmasıa» tegin dári alýshylar úshin Telegram jáne WhatsApp-ta jańa servıs iske qosqanyn jazǵan.