«Bernlıdiń» 18 jastaǵy qazaqstandyq shabýylshysy Dastan Sátpaev Chempıonshıpte «Mıdlsbroǵa» qarsy ótken machtyń úzdik oıynshysy resmı túrde tanyldy. «Terf Mýr» stadıonynda ótken kezdesý 1:1 esebimen teń aıaqtaldy, dep habarlaıdy infohub.kz saıty.
Sátpaev qatarynan úshinshi ret negizgi quramda alańǵa shyǵyp, 80 mınýt oınady da, 81-mınýtta trıbýnanyń qoshemetimen aýystyryldy. Osy ýaqyt ishinde shabýylshy komandanyń úsh soqqysynyń ekeýin qaqpaǵa dál baǵyttady. Qaýipti sátterdiń biri 14-mınýtta boldy — qaqpashy onyń alystan soqqan dopty áreń qaıtardy. Ekinshi taımda Dastan qaqpashymen jeke shyqty, biraq qarsylas qaqpashysy taǵy da qutqaryp qaldy.
Sátpaevtiń pas dáldigi 94% qurady (18 árekettiń 17-si dál). Jeke turysta ol 4 dýeldiń 3-inde jeńiske jetip, bir ret dopty sátti alyp berdi.
Machtyń ózi ońaı bolǵan joq: «Mıdlsbro» 23-mınýtta Eıden Morrıstiń kúshimen esep ashty, alaıda 54-mınýtta Iýgo Ragýber pasynan keıin úı ıeleri esepti teńestirdi. Tórt týrdan keıin «Bernlı» eki upaı jınap, týrnır kestesinde sońǵydan ekinshi, 23-orynda tur. Kelesi machty komanda 5 qyrkúıekte «Brıstol Sıtıge» qarsy ótkizedi.