Қазақстандық шабуылшы Дастан Сәтбаев ағылшындық «Бернли» клубының құрамында жаттығуды қайта бастады. 18 жастағы футболшы жамбас бұлшықетінің артқы беті жарақатынан кейін қыркүйек басынан бері алаңға шықпаған, деп хабарлайды infohub.kz сайты.
Сәтбаев Instagram парақшасында жаттығу барысының суреттерін жариялады. Ол командасының келесі матчына қатыса ма, әзірге белгісіз.
Шабуылшы жарақатты 2 қыркүйекте Чемпионшипте «Мидлсброға» қарсы өткен матчта (1:1) алды. Қазақстандық негізгі құрамда алаңға шығып, 81-минутта ауыстырылды, алаңнан жарақат белгілерімен кетті. Кейін «Бернли» бас бапкері Ники Хайен шабуылшы бірнеше аптаға саптан шыққанын мәлімдеді.
Жарақатқа дейін Сәтбаев Чемпионшипте үш матч, Англия лигасының Кубогында бір кездесу өткізіп үлгерді. Чемпионатта ол екі рет негізгі құрамда шықты, ал «Мидлсброға» қарсы ойын үзіліске дейінгі соңғы матчы болды.
Сәтбаевтың жаттығуға қайта оралуы «Бернлидің» халықаралық үзілістен кейін матчтарға қайта кірісуі қарсаңында болды. Команда келесі кездесуін 10 қазанда сырт алаңда «Уотфордқа» қарсы өткізеді. «Викаридж Роуд» стадионындағы ойын Қазақстан уақытымен 19:00-де басталады.
Айта кетейік, «Бернли» Чемпионшипте маусымды сәтсіз бастады. Сегіз турдан кейін команда төрт ұпай жинап, соңғы 24-орында тұр. Клубта әзірге жеңіс жоқ – төрт тең ойын мен төрт жеңіліс, доп айырмасы 9:17. Көш басында 17 ұпайы бар «Суонси» тұр. «Бернлидің» жақын қарсыласы «Уотфорд» сегіз ұпаймен 20-орында келеді.
Еске салайық, жарақатына байланысты Сәтбаев Қазақстан құрамының Ұлттар лигасындағы матчтарын да жіберіп алған.