Japonıada ótip jatqan Azıada-2026 oıyndarynda qazaqstandyq trıatlonshy Dıana Erjanova áıelder arasyndaǵy jeke saıysta 17-orynǵa turaqtady, dep habarlaıdy infohub.kz saıty.
Erjanova qashyqtyqty 1 saǵat 4 mınýt 13 sekýndta júzip ótti. Jeńimpazdan qazaqstandyq sportshy 6 mınýt 36 sekýndqa qalyp qaldy.
Altyn medaldi 57 mınýt 37 sekýnd nátıjesimen qytaılyq Lın Sınú jeńip aldy. Ekinshi oryndy onyń otandasy Hýan Ansı ıelendi – 57:58. Qolany japonıalyq Manamı Haıası aldy – 58:36.
AZIADA-2026
20 qyrkúıek. Trıatlon. Áıelder
🥇 1. Lın SINÚ (Qytaı) – 57:37
🥈 2. Hýan ANSI (Qytaı) – 57:58
🥉 3. Manamı HAIaSI (Japonıa) – 58:36
…17. Dıana ERJANOVA (Qazaqstan) – 1:04.13
Áıelder arasyndaǵy jeke trıatlon Gamagorıde ótti. Sportshylar 750 m júzý, shamamen 20 km velosıped tebý jáne 5 km júgirý qashyqtyqtaryn baǵyndyrýy tıis boldy. Jarysqa 29 qatysýshy málimdeldi.
Buǵan deıin erler trıatlonynda Arlan Janabaı Qazaqstanǵa Azıada-2026 oıyndaryndaǵy alǵashqy medalin ákeldi. Ekinshi qazaqstandyq Aıan Beısenbaev toǵyzynshy oryndy ıelendi.
Keıinirek velosıpedshi Rınata Sýltanova Oıyndarda Qazaqstannyń alǵashqy altynyn jeńip aldy. Ol jekeleı bólek starttyq jarysta 36 mınýt 23,72 sekýnd nátıjesimen jeńiske jetti.
Japonıadaǵy XX Jazǵy Azıa oıyndary keshe, 19 qyrkúıekte resmı túrde ashyldy. 45 eldiń sportshylary qatysatyn keshendi jarystarda 460 medal jıyntyǵy sarapqa salynady. Onyń 217-si – erler, 204-i – áıelder jáne 39-y – aralas razrádtar arasynda. Týrnırler 41 sport túriniń 68 dısıplınasynda ótedi. Azıada-2026 oıyndarynda Qazaqstan quramasynyń sapynda 559 sportshy óner kórsetedi.