Astanada Dýnga munaı-gaz ken orny boıynsha jyldarǵa sozylǵan daý resmı túrde retteldi — tıisti kelisimge Qazaqstan Respýblıkasynyń Energetıka mınıstrliginde qol qoıyldy, dep habarlaıdy infohub.kz saıty.
Mınıstrliktiń baspasóz qyzmetiniń málimetinshe, Dýnga ken orny boıynsha ónimdi bólý týraly kelisimdegi (ÓBK) daýly máselelerdi retteý jónindegi qujatqa QR energetıka mınıstri Erlan Aqkenjenov pen operator kompanıa — Dunga Operating GmbH-tyń bas dırektory Nurjan Ábdirahmanov qol qoıdy. Qol qoıý rásimine «PSA» JSHS jáne «QazMunaıGaz» UK» AQ ýákiletti organynyń ókilderi qatysty.
Ári qaraı kelisim konsorsıýmnyń sheteldik seriktesteri — Oman Oil Company Limited jáne PTTEP Corporation kompanıalaryna qol qoıýǵa jiberiledi.
«Qol qoıylǵan kelisim taraptardyń Kontraktordyń jekelegen tarıhı shyǵyndaryn óteýge qatysty kópjyldyq kelispeýshilikterine túpkilikti núkte qoıady. Qol jetkizilgen ýaǵdalastyqtar Qazaqstannyń paıdasyna kelisilgen qarjylyq ótemaqy tóleýdi, sondaı-aq aktıvti ıgerýge aýqymdy ınvestısıalardy jalǵastyrýǵa jaǵdaı jasaýdy kózdeıdi», — dep atap ótti mınıstrlikte.
Daýdyń rettelýi ken ornyn ıgerýdiń 2026–2039 jyldarǵa arnalǵan jańa josparyn is júzinde júzege asyrýǵa múmkindik beretini atap ótildi. Qujat 67,4 mln barel munaı óndirýdi jáne aýqymdy kúrdeli jáne operasıalyq ınvestısıalardy tartýdy kózdeıdi.
«Dýnga ken orny joǵary áleýetke ıe jáne eldiń energetıka salasy úshin strategıalyq mańyzy zor. Jobanyń damýyna uzaq ýaqyt boıy ótelmeıtin shyǵystarǵa qatysty jınaqtalǵan daýly máseleler kedergi keltirdi. Qol jetkizilgen ýaǵdalastyqtar uzaq sot rásimderinsiz memlekettiń ekonomıkalyq múddelerin qorǵaýǵa múmkindik berip, jańa ınvestısıalyq sıklge jol ashady. Kelisimge qol qoıý jer qoınaýyn utymdy ári uzaq merzimdi ıgerýdiń negizi bolyp, ekonomıkamyzǵa aıtarlyqtaı paıda ákeledi», — dep atap ótti QR energetıka mınıstri Erlan Aqkenjenov.