Eýrazıalyq ekonomıkalyq komısıa qytaılyq tutandyrǵysh shamdarǵa 17,23% kóleminde antıdempıngtik baj saldy. Sonymen qatar Qazaqstanǵa jylyna 6 mln dana bajsyz kvota qarastyrylǵan, dep habarlaıdy infohub.kz saıty.
Shara EAEO SEQ TN 8511 10 000 1 jáne 8511 10 000 9 kodtary boıynsha jikteletin ónimge qatysty.
Baj 5 jyl boıy qoldanylady.
EAEO elderi úshin qytaılyq shamdardy baj tólemeı ákelýge bolatyn kvotalar belgilendi. Eń úlken lımıtti Qazaqstan aldy — jylyna 6 mln dana. Belarýs úshin kvota 1,8 mln, Armenıa men Qyrǵyzstan úshin 500 myń shamnan quraıdy.
Qazaqstanda kvotany bólý tártibi saýda jáne ıntegrasıa mınıstriniń 2026 jylǵy 18 tamyzdaǵy buıryǵymen bekitilgen, ol 2031 jylǵy 9 mamyrǵa deıin kúshinde bolady.
Import ázirge kvota sheginde. Ulttyq statısıka búrosynyń dereginshe, 2025 jyly Qazaqstan Qytaıdan 2,1 mln tutandyrǵysh sham ákelgen. Bul osy ónimniń jalpy ımportynyń shamamen 23,6%-y.
Salystyrý úshin, Taılandtan Qazaqstanǵa shamamen 2,21 mln sham, Japonıadan 2,09 mln shamasynda, Germanıadan 237 myńǵa jýyq sham ákelingen.
Osylaısha, Qazaqstanǵa belgilengen kvota 2025 jylǵy qytaılyq jetkizilim kóleminen úsh esege jýyq artyq. Baj tek kvotadan asatyn jetkizilimderge qoldanylady.
Taǵy bir mańyzdy shekteý bar: Qazaqstanǵa bajsyz kvota aıasynda ákelingen shamdardy EAEO-nyń basqa elderine qaıta eksporttaýǵa bolmaıdy. Bul ereje qytaılyq ónimdi odaqtyń basqa memleketteriniń naryqtaryna bajsyz jetkizý úshin jergilikti kvotany paıdalanýdyń jolyn kesýi tıis.
Buǵan deıin Kýrsıv Avto Qazaqstanda avtobólshekter shyǵarýdy tejeıtin qandaı faktorlar bar ekenin habarlaǵan.