Japonıa qabyldaıtyn 2026 jylǵy jazǵy Azıa oıyndarynda Qazaqstan quramasynyń týyn dzúdoshy Eldos Smetov pen ústel tenısinen Sarvınoz Mırkadırova ustaıdy. Bul týraly Sportty damytý dıreksıasynyń baspasóz qyzmetiniń jetekshisi Aıan Tólegen habarlady, dep jazady infohub.kz saıty.
Qazaqstandyq sportshylarǵa memlekettik týly týrızm jáne sport mınıstri Erbol Myrzabosynov tabys etti. Ulttyq quramany saltanatty túrde shyǵaryp salý rásimi Astanada ótti. Alaıda kóptegen qazaqstandyq sportshy Azıadany ótkizip jatqan Japonıada qazirdiń ózinde júr.
Eldos Smetov — elimiz tarıhyndaǵy eń ataqty dzúdoshy. Onyń qorjynynda olımpıadalyq nagradalardyń tolyq jıyntyǵy bar: Parıj-2024 altyny, Rıo-2016 kúmisi jáne Tokıo-2020 qolasy. 2014 jyly sportshy Inchhondaǵy Azıa oıyndarynyń jeńimpazy atandy. Aldaǵy týrnırde 34 jastaǵy Smetov 60 kelige deıingi salmaq dárejesinde synǵa túsedi.
Sarvınoz Mırkadırova 21 jasta. Ol Qazaqstannyń ústel tenısinen quramasynyń kóshbasshylarynyń qatarynda jáne halyqaralyq týrnırlerdiń jeńimpazy ári júldegeri.
Azıada-2026 ashylý saltanaty 19 qyrkúıekte ótedi. Jarystar 4 qazanǵa deıin jalǵasady. Qatysýshylar barlyǵy 469 medal jıyntyǵyn sarapqa salady.