Qazaqstannyń áıelder arasyndaǵy jeke syndaǵy birinshi raketkasy Elena Rybakına 2026 jylǵy AQSh ashyq chempıonatyn senimdi jeńispen bastady, dep habarlaıdy infohub.kz.
Maýsymdaǵy sońǵy Úlken dýlyǵa týrnıri Nú-Iorkte qatty kortta ótýde. Álemdik reıtıńte ekinshi orynda turǵan Rybakına birinshi aınalymda amerıkalyq Teıa Frodınmen kezdesti. AQSh ókili, álemniń 585-raketkasy, uıymdastyrýshylardan arnaıy shaqyrtý (wild card) alǵan bolatyn.
Jańbyrǵa baılanysty mach bastalýy tórt saǵatqa jýyq keıinge shegerildi. Nátıjesinde oıyn eki setke ǵana sozylyp, Rybakınanyń paıdasyna 6:3, 6:2 esebimen aıaqtaldy.
Tenısshiler kortta 1 saǵat 14 mınýt ótkizdi. Osy ýaqyt ishinde qazaqstandyq alty eıs jasap, úsh qosarlanǵan qatelik jiberdi jáne alty breık-poınttyń úsheýin paıdalana aldy, óz podachasyn eshqashan bermedi.
US Open-nyń ekinshi aınalymynda Rybakına chehıalyq Dará Vıdmanova men ıspanıalyq Djessıka Býzas Maneıro arasyndaǵy mach jeńimpazymen kezdesedi.
Týrnır qorytyndysy boıynsha qazaqstandyq álemdik reıtıńti bastap ketýi múmkin. Onyń live-nusqasynda ol qazirdiń ózinde birinshi orynǵa kóterildi.