Qazaqstandyq tenısshi Elena Rybakına mansabynda alǵash ret AQSh ashyq chempıonatynyń jeńimpazy atandy. Fınalda ol Arına Sobolenkony 6:4, 5:7, 6:2 esebimen utty. Bul jeńis Rybakına úshin Wimbledon-2022 men Australian Open-2026-dan keıingi úshinshi «Úlken dýlyǵa» tıtýly boldy, dep habarlaıdy infohub.kz saıty.
Týrnır qorytyndysy boıynsha Elena Rybakına Áıelder tenıs qaýymdastyǵynyń (WTA) reıtıńin basqardy. Ol álemdik reıtıńtiń birinshi satysyna kóterilgen Qazaqstan tarıhyndaǵy tuńǵysh tenısshi atandy.
Sportshynyń tarıhı jetistigin IZI — sıfrlyq operator jáne Elena Rybakınanyń seriktesi atap ótti. Kompanıa Qazaqstanda tenıstiń damýyn belsendi qoldap keledi.
«Elena Rybakınanyń US Open-tegi jeńisi men álemdik reıtıńtiń birinshi satysyna shyǵýy — qazaqstandyq sport úshin tarıhı jetistik. IZI úshin Qazaqstanda tenıstiń damýyn qoldaý jáne Elenanyń sporttyq jolynda qasynda bolý — úlken maqtanysh. Onyń jetistikteri jas býyn tenısshilerge shabyt berip, qazaqstandyq sportqa jańa múmkindikter ashyp jatqanyn kórgenimizge qýanyshtymyz. Jeńisimen quttyqtaımyz!» — dedi IZI-diń damý jónindegi dırektory Maksım Panov.
IZI-diń Elena Rybakınamen yntymaqtastyǵy aǵymdaǵy maýsymnyń basynda bastalǵan. Mobıldi operator tenısshiniń jarnamalyq demeýshileriniń biri retinde ony Australian Open men US Open sıaqty álemniń iri týrnırlerinde qoldap keledi.
IZI Elenany týrnırlerde qoldaýmen qatar, óz aýdıtorıasyn tenısshimen jaqynyraq tanystyrady. Elena IZI úshin eksklúzıvti suhbat berdi, ol operatordyń qosymshasynda qoljetimdi. Sondaı-aq jaqyn arada IZI paıdalanýshylary Elenanyń qoltańbasy qoıylǵan eksklúzıvti syılyqtardyń oıyn-saýyǵyna qatysa alady. Tolyq málimet @izi_app resmı akkaýntynda jarıalanady.