InfoHub Logo

Taqyryby: Eli súıgen, elin súıgen Elbasy
Maqsaty:
Oqýshylardy 1 - jeltoqsan Qazaqstan Respýblıkasynyń Tuńǵysh Prezıdent kúnimen quttyqtaý, Elbasy ómirbaıanymen, eńbek jolymen, shyǵarmalarymen tanystyrý. Oqýshylardyń boıynda ulttyq rýhty, patrıottyq sezimderdi uıalatý, óz Otanyn, elin súıýge, memlekettik rámizderin qasterleýge, memlekettik tilin qurmetteýge, óz ultyn janyndaı súıetin sanaly, bilimdi, isker azamat qalyptastyrý.
Kórnekiligi: Qazaqstan Respýblıkasynyń Rámizderi, QR kartasy, kitap kórmesi, N. Á. Nazarbaevtyń portreti, patrıottyq úlgidegi beınematerıaldar men ánder, mýltımedıada daıyndalǵan slaıdtar.

Júrý barysy:
Júrgizýshi: Armysyzdar qurmetti ustazdar, oqýshylar!
1 – jeltoqsan – Qazaqstan Respýblıkasynyń tuńǵysh Prezıdenti kúni, búkil halyqtyq mereke. Ózderińizdi osy aıtýly merekemen quttyqtaımyn. Quttyqtaı otyryp Tuńǵysh Prezıdent kúnine arnalǵan «Eli súıgen, elin súıgen elbasy» taqyrybynda ótkizgeli otyrǵan 8 «a», «b» synyp oqýshylarynyń daıyndaǵan portrettik keshin bastaýǵa ruqsat etińizder! El táýelsizdiginiń 20 jyldyq merekesi qarsańynda, naqtyraq aıtsaq, 2011jyly 10jeltoqsanda Qazaqstan Parlamentiniń Senaty «1 – jeltoqsan – Qazaqstan Respýblıkasynyń Tuńǵysh Prezıdenti kúni» memlekettik merekeesin bekitken Zańyn qabyldaǵany barshamyzǵa málim. Bul elimizdiń jańa tarıhyndaǵy erekshe kún. QR Tuńǵysh Prezıdenti Nursultan Nazarbaev memlekettiń birligin, konstıtýsıasyn, adam men adamzattyń quqyqtaryn jáne bostandyqtaryn qorǵaýdy qamtamasyz etken jańa táýelsiz memlekettiń negizin qalaýshy bolyp tabylady. Qazaqstan Respýblıkasynyń Tuńǵysh Prezıdenti N. Á. Nazarbaevtyń jetistikteri Qazaqstan halqynyń orasan zor shynaıy qurmeti men senimine ıe boldy. Osyǵan oraı atalǵan Zańnyń qabyldanýy arqyly Qazaqstan Respýblıkasy Tuńǵysh Prezıdentiniń Respýblıkaǵa sińirgen zor ǵalamat eńbegi tanyldy. Zańdy qabyldaý memleketimizdiń azamattarynyń otanshyldyq rýhyn arttyra tústi.

Elbasymyz týraly jaqynyraq tanysý úshin nazarymyzdy ekranǵa aýdaraıyq:
Kelesi kezekte 8 synyp oqýshylary Elbasymyz júrip ótken joldarǵa sholý jasap ótpek:
Ortada slaıd boıynsha málimet aıtady.
1. Qazaqstan Respýblıkasynyń Prezıdenti Nursultan Ábishuly Nazarbaev 1940 jyly 6 shildede Almaty oblysynyń Qaskeleń aýdanynyń Shamalǵan aýylynda Ábish pen Áljannyń otbasysynda dúnıege kelgen.
2. 1967 jyly Qaraǵandy metalýrgıa kombınaty janyndaǵy joǵary tehnıkalyq oqý ornyn bitirdi. Ekonomıka ǵylymynyń doktory.
3. 1960 — 69 jj. — Qaraǵandy metalýrgıa zaýytynda jumys istedi. 1969 — 73 jj. — Qaraǵandy oblysy Temirtaý qalasyndaǵy partıa - komsomol jumystarynda jaýapty qyzmetter atqardy.
4. 1973 - 1977 jyldary Qarmetkombınattyń partkom hatshysy. 1977 - 79 j. j. Qaraǵandy oblystyq partıa komıtetiniń hatshysy, 2 - hatshysy.
5. 1979 - 1984 jyldary Qazaqstan KP Ortalyq komıtetiniń hatshysy. 1984 - 89 j. j. Qazaq KSR Mınıstrler Keńesiniń tóraǵasy.
6. 1989 - 1991 j. j. Qazaqstan KP OK 1 - hatshysy, 1990 jylǵy aqpan - sáýir aralyǵynda Qazaqs KSR Joǵarǵy Keńesiniń tóraǵasy boldy. 1990 jyly sáýirinen Qazaqstan Respýblıkasynyń prezıdenti.
7. 1991 jyly 1 - jeltoqsanda tuńǵysh ret Qazaqstan Prezıdentiniń jalpyhalyqtyq saılaýy ótti. Saılaý nátıjesinde N. Á. ı Nazarbaev basym daýyspen (98, 7) jeńiske jetti.
8. 1995 jyl 29 sáýirinde jalpyhalyqtyq referendým nátıjesinde QR Prezıdenti N. Nazarbaevtyń ókilettigi 2000m jylǵa deıin uzartyldy.
9. 1999 jylydyń 10 - qańtarynda ótken jalpyhalyqtyq saılaýdyń nátıjesinde N. Nazarbaev 79, 78 daýys alyp QR Prezıdenti bolyp qaıta saılandy.
10. 2005 jyldyń 4 - jeltoqsanynda saılaýshylardyń 91, 5 daýys alyp, QR Prezıdenti bolyp qaıta saılandy.

Júrgizýshi:
Bolashaǵym Qazaqstannyń aldaǵy,
Oryndalsyn qazaǵymnyń armany.
Elbasymyz Nursultan Nazarbaev,
Halqymyzdyń senip alǵan tańdaýy.
Asqaq bolyp elimizdiń jalaýy,
Máńgi jansyn táýelsizdik alaýy.
Eńbek, dostyq, beıbitshilik, bereke,
Qazaqstan Respýblıkasynyń qalaýy.
Nazarbaev tek myqty Prezıdent qana emes, ol sonymen qatar dana tulǵa jáne ulaǵatty ustaz. Mundaı saıasatkerler álemde az kezdesedi. Tipti, Túrkıa prezıdenti Abdolla Gúl myrza N. Nazarbaevqa «Túrki áleminiń kóshbasshysy» degen ataq berdi jáne Elbasymyzǵa arnap Túrkıa astanasy Ankaraǵa eskertkish turǵyzdy. Budan onyń júzege asqan ıdeıalary men jobalary álemde joǵary baǵalanýda ekenin kóre alamyz. Aqyn Maraltaı Ybyraev N. Nazarbaev týraly «Kıe» atty poema jazǵan bolatyn. Poemadan úzindi oqý úshin ortaǵa 8 - synyp oqýshylaryn shaqyraıyq. Qabyl alyńyzdar!