InfoHub Logo

Taqyryby: «MathCad baǵdarlamasy»

Baǵyty: Ekonomıkalyq jáne áleýmettik prosesterdi matematıkalyq modeldeý
Seksıa: Informatıka

Abstrakt
Zertteý jumysynyń maqsaty: Mathcad baǵdarlamasyn zerttep, baǵdarlamanyń múmkindikterin kórsetý ári baǵdarlamany ınformatıka, fızıka, matematıka pánderinde oqytýdyń mańyzyn tanytý.
Gıpotezasy: Qazaqstan 2050 strategıasyn iske asyrý úshin, memleketimizdiń árbir azamaty ınovasıalyq tehnologıalardy tolyq meńgerip, kúndelikti ómirine engizýi kerek.
Zertteý kezeńderi:
Mathcad týraly jalpy málimet
Mathcad – tyń qarapaıym qurylymy
Mathcad kómegimen fızıka – matematıkalyq esepteýler júrgizý
Eksperıment ádisi: kitaphanamen, ǵalamtormen, ınformatıka pánine arnalǵan jýrnaldarmen jumys.
Zertteý jumysynyń jańashyldyǵy: elimizdegi aqparattyq – komýnıkasıalyq tehnologıa quraldaryn paıdalaný arqyly bilim berýdi jetildirý.
Eksperımenttiń qoldaný aıasy:: jasalǵan jumysty mektep baǵdarlamasyna engizý úshin Qazaqstan Respýblıkasynyń Bilim jáne ǵylym mınıstrligine usynýǵa bolady.
Zertteý nátıjesi men qorytyndy: Mathcad baǵdarlamasynyń paıdasy dáleldenip, mektep baǵdarlamasynda qoldaný aıasy kórsetildi. Zertteý barysynda mańyzdy oılar túıindelip, usynystar men sheshý joldary kórsetildi.

KİRİSPE

Bul jumys Mathcad baǵdarlamasyn zerttep, onyń ınformatıka, fızıka – matematıka pánderinde paıdalaný mańyzdylyǵyn kórsetýge arnalǵan. Qazirgi kezdegi shapshań júrip jatqan jahandaný úrdisi álemdik básekelestikti kúsheıte túsýde. Elbasy N. Á. Nazarbaev Qazaqstannyń álemdegi básekege qabiletti 50 eldiń qataryna kirý strategıasy atty joldaýynda « Bilim berý reformasy – Qazaqstannyń básekege naqtyly qabilettiligin qamtamasyz etýge múmkindik beretin asa mańyzdy quraldarynyń biri» dep atap kórsetti [1]. Aqparattyq – komýnıkasıalyq tehnologıanyń keleshek urpaqtyń jan – jaqty bilim alýyna, isker ári talantty, shyǵarmashylyǵy mol, erkin damýyna jol ashatyn pedagogıkalyq, psıhologıalyq jaǵdaı jasaý úshin de tıgizer paıdasy asa mol bolǵandyqtan, bul baǵdarlamany ıgerý mańyzdy.

Boljamy: Qazaqstan 2050 strategıasyn iske asyrý úshin, memleketimizdiń árbir azamaty ınovasıalyq tehnologıalardy tolyq meńgerip, kúndelikti ómirine engizgen bolýy kerek[1]. Bilim berý reformasyn damytýdaǵy mańyzdy faktor - aqparattyq – komýnıkasıalyq tehnologıalardy bilý. Sondyqtan qarastyrylatyn zertteý jumysynyń ózektiligi bilim berý úrdisin aqparattandyrý – jańa aqparattyq tehnologıalardy paıdalaný arqyly damyta oqytý. Bul jumysta Mathcad baǵdarlamasyn zerttelip, qoldaný aıasy kórsetilgen.

Zertteý jumysynyń maqsaty oqýshylardyń, ustazdardyń múmkindikterin, sabaqqa qyzyǵýshylyǵyn arttyrý úshin Mathcad baǵdarlamasyn paıdalaný.
Osy maqsatqa jetý úshin kelesi mindetter qoıyldy:
- Mathcad – tyń negizgi múmkindikterimen tanysý;
- Baǵdarlama arqyly matematıkalyq, fızıkalyq esepter shyǵarý;
- Grafıkter turǵyzyp úırený;

Zertteý jumysynyń derektik negizi: KompúterPress №3'2000 jýrnaly, Matematıka – Plús, Castlecamelot, books. net - soft. ru saıttary., ǵalamtor.

Zertteý jumysy eki bólimnen turady:

Birinshi bólimde Mathcad týraly jalpy málimet berilip, negizgi
múmkindikterine sıpattama berildi..
Ekinshi bólimde Mathcad kómegimen kálkýlátorda esep shyǵarý úlgisi, órnektermen jumys, fızıka – matematıkalyq esepteýler júrgizý, grafıkter turǵyzý múmkindikteri qarastyrylyp, zertteý nátıjeleri men qorytyndy jasaldy

1. MATHCAD TÝRALY JALPY MÁLİMET
1. 1Mathcad – tyń negizgi múmkindikteri
Kompúterlik matematıka – ǵylymy tehnıkadaǵy jańa baǵyt. Ol klasıkalyq matematıka men ınformatıkanyń túıisýmen týyndaıdy. Kompúterlik matematıkanyń mańyzdylyǵy onyń programmalyq júıemen qamtamasyz etilýinde jáne kez - kelgen matematıkalyq esepterdi sheshý qabiletinde. Kompúterlik matematıka júıesi batystyń mathsost,, Maple, Wolsrom

sekildi fırmalarda jasalǵan [2]. Mathcad ǵylymmen bilimniń jáne tehnıkanyń ár túrli aımaqtaryn avtomattandyrý úshin matematıkalyq esepteýlerge arnalǵan. Júıeniń atalýy eki sózden quralǵan, ıaǵnı MATHematica ( matematıka) jáne SAD (Computer Aided Desing – avtomatty jobalaý júıesi nemese AJJ ).

Sondyqtan MATHCAD matematıkalyq avtomatty modeldeý júıesi dep atalady. MATHCAD - tyń kómegimen kitap, dısertasıa, ǵylymı esep dıplomdyq jáne kýrstyq jobalardy tek ártúrli úlgidegi sapaly mátin men ǵana emes, eń kúrdeli matematıkalyq formýla jıyntyǵymen, esepteýlermen, grafıktik kórinistermen daıyndaýǵa bolady. MATHCAD programmasynyń mundaı múmkindikteri elektrondyq sabaqtar, leksıalar kýrsy, elektrondy kitaptar jazýda mańyzy jabdyqqa aınalyp otyr. Sonymen birge kompúterlik matematıka júıesi kórkem óner, grafıka, lıngvısıka salasynda keńinen qoldanys tabyldy. MATHCAD - tyń jańa nusqasynda qujattardyń kórkem tústi effektili qurylǵy jáne grafıkti anımasıalaý, dybysty qosyp shyǵarý múmkindiligi qosylǵan. Osy artyqshylyqtaryna baılanysty mátindik, formýlalyq jáne grafıktik redaktorlar qýatty esepteýish potensıaldy orta júıesimen beriledi. Óte kúrdeli tapsyrmalardy sheshý úshin matematıkalyq jáne grafıkalyq júıeler jáne olardyń birigýi qarastyrylǵan. Bul júıe ártúrli matematıkalyq, grafıkalyq jáne ofıstik júıe qatarymen keńeıtetin ıntegraldy qamtamasyz etedi. MATHCAD júıesiniń faıldary. mcd keńeıtilýine ıe bolady. Mundaı faıldar tekstik formatta bolady, sondyqtan olardy kez kelgen tekstik redaktorda oqýǵa bolady. MATHCAD faıldarynyń qujatynda programmanyń tolyq teksti bolady.