Qazaqstan Eńbek jáne halyqty áleýmettik qorǵaý mınıstrligi 2026 jyldyń birinshi jartyjyldyǵyndaǵy jumys qorytyndysyn shyǵardy. Vedomstvo basshysy Asqarbek Ertaevtyń tóraǵalyǵymen ótken keńeıtilgen otyrysta atqarylǵan jumystardyń nátıjeleri qaralyp, jyl sońyna deıingi negizgi mindetter aıqyndaldy, dep habarlaıdy infohub.kz saıty.
2026 jyly áleýmettik tólemderge 6,8 trln teńge qarastyrylǵan. 4,6 mln adam zeınetaqy men járdemaqylarmen qamtamasyz etilgen, jalpy tólem kólemi 3,3 trln teńgeni qurady. Jyl basynan beri 250 myńǵa jýyq adam jumysqa ornalastyrylsa, taǵy 245 myń azamat jumyspen qamtýdyń belsendi sharalarymen qamtyldy.
Memlekettik eńbek ınspektorlary 3 607 tekserý júrgizip, onyń barysynda eńbek zańnamasynyń 4 myńnan astam buzýshylyǵy anyqtaldy. Eldegi jumyssyzdyq deńgeıi 4,5%-dy qurady. Medısınalyq-áleýmettik saraptamalardyń 45%-dan astamy syrttaı formatta júrgizilýde. Sıfrlandyrýdyń arqasynda 9 memlekettik qyzmetti kórsetý merzimi bir jumys kúnine deıin qysqartyldy.