Tengrinews.kz / Týrar Kazangapov
Endi ofıserler dekrette qyzmetten jaltarmaıdy: Qorǵanys mınıstrligi erejelerdi ózgertti
Endi Qazaqstanda áskerı kafedrany bitirgennen keıin eki jylǵa shaqyrylǵan zapastaǵy ofıserler úshin qyzmet ótkerý erejeleri ózgeredi. Bul týraly Qorǵanys mınıstrliginiń orynbasary Asqar Mustabekov málimdedi.
Parlament otyrysynda Mustabekov sońǵy jyldary áskerge shaqyrylǵandardyń arasynda dekrettik demalysqa shyǵatyndar sanynyń kóbeıgenin aıtty. Olar ádette eki jyldyq qyzmet merzimi aıaqtalmaı jatyp, dekretke ketip, qyzmetti tolyq atqarmaı qalady eken.
Bul jaǵdaı ásirese áskerı kafedrany bitirgen er azamattarǵa qatysty. Olar 24 aılyq qyzmet merzimine shaqyrylady, biraq keıinnen dekrettik demalysqa shyǵýǵa ótinish beredi.
Dekrettik demalysqa shyǵatyndar sany artty
Qorǵanys mınıstrliginiń dereginshe, mundaı múmkindikti paıdalanǵandar sany jyldan-jylǵa ósip keledi:
Vıse-mınıstrdiń aıtýynsha, buryn ofıser eki aı qyzmet etip, dekretke shyǵyp, keıin eki jyldyq merzim tolǵan soń qyzmetin ótedi dep sanalǵan. Jańa ereje boıynsha, dekrettik demalys kezinde qyzmet merzimi toqtatyla turady. Demalystan oralǵan soń, ofıser qalǵan merzimin tolyq óteýi tıis bolady.
Mysaly, eger ofıser 24 aılyq qyzmet merziminiń alty aıyn ótkerip, dekretke ketse, oralǵannan keıin qalǵan 18 aıdy mindetti túrde óteýi qajet.
Bul ózgerister zań kúshine engennen keıingi jańa jaǵdaılarǵa ǵana qoldanylady.
-
Depýtaty gorodskogo maslıhata Ýralska otklonılı predlojenıe akımata o povyshenıı tarıfov na proezd ı vyvoz mýsora ız-za nedostatka ınformasıı.
-
Kazakhstan's Ministry of Defense has updated regulations for reserve officers, ensuring completion of their service term even after taking parental leave.
