Amerıkalyq boksshy Endı Rýıs-kishi AQSH-taǵy týrnırde polák Demıan Knybadan upaımen jeńilip qaldy, dep habarlaıdy infohub.kz.
Aýyr salmaqtaǵy (90,7 kg-nan joǵary) jekpe-jek Núarktaǵy shoýdyń basty oqıǵasy bolyp, barlyq 12 raýndqa sozyldy. Jetinshi raýndta Knyba qarsylasyn nokdaýnǵa jiberdi, alaıda Rýıs jekpe-jekti jalǵastyra aldy.
Nátıjesinde polák tóreshilerdiń biraýyzdan sheshimimen jeńiske jetti — 114:113, 117:110, 114:113. Osylaısha, Knyba qańtarda nemis Agıt Kabaıelden jeńilgen mansabyndaǵy alǵashqy jeńilisin jýyp shyqty. 30 jastaǵy sportshynyń enshisinde qazir 18 jeńis (11 — nokaýtpen).
Rýıs-kishi úshin bul jekpe-jek eki jyldaǵy alǵashqysy boldy jáne ol kásibı rıngte úshinshi ret jeńildi. Buǵan deıin ol jańa zelandıalyq Djozef Parker men brıtandyq Entonı Djoshýadan upaımen utylǵan edi.
36 jastaǵy amerıkalyqtyń aktıvinde 35 jeńis (22 — nokaýtpen) jáne bir teń oıyn qaldy. 2019 jyly ol WBA, IBF, WBO jáne IBO nusqalary boıynsha álem chempıony atanǵan.