Qazaqstandyq aralas jekpe-jek sheberi ári akter Erkebulan Toqtar áleýmettik jelide jańa sándi kóligin kórsetip, jankúıerleriniń nazaryn taǵy da ózine aýdardy. Bul joly óner ıesi 666 TOK 02 áserli nómiri bar qara Mercedes-Benz G-Class kóligin kórsetti, dep habarlaıdy infohub.kz saıty.
Jarıalanǵan vıdeoda sportshy jol talǵamaıtyn kólikke otyryp, onyń salonyn kórsetedi. Aıta keteıik, bul Toqtardyń koleksıasyndaǵy ekinshi «Gelendvagen».
Vıdeoda boes óziniń dostary men tanystaryna ázilmen úndep, olardyń aldyńǵy kólikti satyp alý kezindegi reaksıasyn eske aldy. «Jarty jyl buryn „Gelık“ alǵanymda, qatty qyzǵanǵan dostar boldy. Olarǵa sálem! Jigitter, men taǵy bir kólik satyp aldym», — deıdi Toqtar kúlip.
Akterdiń jankúıerleri buǵan nemquraıly qaramaı, túsiniktemede belsendi túrde qoldaý bildirip, amandyq pen sáttilik tiledi. «Tabys ákelsin», «Jaraısyń, baýyrym! Qýanǵandarǵa da buıyrsyn», «Vaý, top!», «Qyzǵanamyn, nesin jasyramyn», — dep jazady paıdalanýshylar.
Buǵan deıin MMA boısy men akterdiń jazylýshylary onyń jańa tańdaýlysy kim ekenin anyqtaýǵa tyrysyp jatqany habarlanǵan bolatyn. Bloger ári model Dará Podgornaıa (@marquisa_marquisa1) basty úmitker retinde atalýda.