«Manchester Sıtı» men Norvegıa quramasynyń shabýylshysy Erlıng Holand Anglıa Premer-lıgasynyń jańa maýsymy bastalar aldynda shashyn qıyp, ımıjin túbegeıli ózgertti, dep habarlaıdy infohub.kz saıty.
Fýtbolshy Instagram-da jańa qysqa shash úlgisimen túsken vıdeosyn jarıalady, bul onyń ataqty uzyn shashynan bas tartqanyn bildiredi. Beınejazba birden taralyp ketti: materıal jazylǵan sátte ol 5,2 mıllıonnan astam laık pen 74 mıllıonnan astam qaralym jınady.
Keıin Holand jazylýshylarǵa óziniń tanymal shashymen qoshtasý prosesin kórsetti. Bul jarıalanym qyzý pikirtalas týdyrdy: Djýd Bellıngem men Vınısıýs Jýnıordy qosa alǵanda, myńdaǵan jankúıerler men ataqty tulǵalar óz pikirlerin qaldyrdy.
«Chempıonat» derekterine sáıkes, ımıjin ózgertkennen keıin Holand burynǵy «qalalyqtardyń» bas bapkeri Hosep Gvardıolamen jáne Shvesıa quramasynyń burynǵy shabýylshysy Zlatan Ibragımovıchpen beınebaılanys arqyly sóılesken.
«Seniń shashyń bar ekenine baqyttysyń. Men de sol shashtyń bolǵanyn qalar edim», — dedi Hosep Gvardıola.
«Sen ne boldyń? Bás tigip utyldyń ba? Meni bloktap, nómirimdi óshir! Endi jyldamyraq bolasyń ǵoı, ıá?» — dep jaýap berdi Ibragımovıch.
Aıta keteıik, 2026 jylǵy álem chempıonaty kezinde Ibragımovıch Holandqa eshqashan shash aldyrmaýǵa keńes berip, kúsh shashta jınalatynyn aıtqan bolatyn.