Aqmola oblysynyń Esil qalasynda polıseıler 49 jastaǵy jergilikti turǵyndy ustady. Ol, quqyq qorǵaý organdarynyń dereginshe, sottyń kólik quralyn basqarý quqyǵynan aıyrý týraly sheshimine qaramastan, mas kúıinde qaıtadan rólge otyrǵan. Bul týraly infohub.kz saıty habarlaıdy.
Aqmola oblysy Polısıa departamentiniń baspasóz qyzmeti naqtylaǵandaı, er adam dosymen birge tamaq alý úshin kafege kelgen. Júrgizýshi ortasha dárejedegi mas kúıinde bolǵan, keıin ol medısınalyq kýálandyrýmen rastaldy.
Vedomstvonyń málimetinshe, er adam buǵan deıin de mas kúıinde kólik basqarǵany úshin jaýapkershilikke tartylǵan. 2025 jyldyń qańtarynda ol osyndaı buzýshylyq úshin qaıta toqtatylyp, sot sheshimimen jeti jylǵa kólik quralyn basqarý quqyǵynan aıyrylǵan.
Qazir sotqa deıingi tergeý júrip jatyr. Baptyń sanksıasyna sáıkes, kólik basqarý quqyǵynan aıyrylǵan adamnyń mas kúıinde kólik júrgizýi úshin 5 myń aılyq eseptik kórsetkishke deıingi mólsherde aıyppul (21 mln teńgeden astam), túzeý nemese qoǵamdyq jumystar, sondaı-aq bes jylǵa deıingi merzimge shekteý ne bas bostandyǵynan aıyrý jazasy qarastyrylǵan.