Eýroodaq Reseı gazynan tolyq bas tartpaq
Eýropalyq Odaq Máskeýden keletin gazǵa táýeldilikti birjola joıýdy zań júzinde bekitpek. Brússel men Strasbýrgte tanystyrylǵan jańa zań jobasyna sáıkes, Eýroodaq 2028 jyldyń 1 qańtaryna deıin reseılik gazdy múlde tutynbaýy tıis.
Atalǵan bastamaǵa túrtki bolǵan basty faktor – geosaıası turaqsyzdyq. Eýrokomıssıa Reseıdiń energetıkalyq resýrstardy «qarý» retinde paıdalanyp, Eýropa elderine qysym kórsetip otyrǵanyn alǵa tartty. Ýkraınadaǵy soǵys zań jobasynda naqty sebep retinde kórsetilmese de, onyń rólin elemeý múmkin emes.
Resmı málimetke saı, Eýroodaq reseılik munaıdan da bas tartýǵa bel býyp otyr. Máselen, 2020 jyly Eýropa naryǵyna qajet munaıdyń 27 paıyzy Reseıden jetkizilse, búginde bul kórsetkish 3 paıyzǵa deıin tómendegen. Qurlyq endi bul táýeldilikti tolyq joıyp, energetıkalyq derbestikke umtylýda.
Bul – Eýropa úshin tarıhı betburys. Sebebi ondaǵan jyldar boıy Reseı energıa kózderi Eýroodaqtyń ekonomıkalyq jáne áleýmettik turaqtylyǵynyń negizgi tiregi sanalyp keldi. Alaıda qazirgi geosaıası ahýal Eýropany balama kózderge júginýge májbúrlep otyr.
You Might Also Like
-
Mońǵolıa premer-mınıstri ulyna qatysty janjaldan keıin otstavkaǵa ketti,dep jazady Infohab.kz.
-
Qazaqstanda temeki shegý qoljetimsiz bola túsýi múmkin. Qarjy mınıstrligi temeki ónimderiniń eń tómen bólshek baǵasyn ósirý týraly buıryq jobasyn ázirledi. Qujatqa sáıkes, jańa baǵalar fıltrli jáne ...
