Aralas jekpe-jek sheberi Fódor Emelánenko qaıta oralýǵa daıyn ekenin málimdep, kimmen judyryqtasqysy keletinin atady, dep habarlaıdy infohub.kz saıty.
MMAjunkie málimetinshe, «Sońǵy ımperator» múmkin bolatyn qaıta oralýy úshin ózinen kem túspeıtin ańyz — aýyr salmaqtaǵy Absolúttik jekpe-jek chempıonatynyń (UFC) burynǵy chempıony amerıkalyq Rendı Kýtúrdi tańdaǵan.
«Men óz komandammen jattyǵýdy jalǵastyryp júrmin. Komandamdy jattyqtyramyn, sondyqtan jattyǵýdy toqtatqan joqpyn. Jarysqa keler bolsaq, eger jaqsy usynys túsip, onyń máni bolsa — nege bolmasqa? Men áli de judyryqtasa alamyn», — dedi Fódor.
Emelánenko qazir boksqa qyzyǵýshylyǵy baryn atap ótti.
«Biz bokspen aınalystyq, sondyqtan boks maǵan qyzyq. Menińshe, Rendı áldeqaıda qyzyqty qarsylas bolar edi. Men daıynmyn, eger ol da daıyn bolsa», — dedi MMA ańyzy.
Fódor sońǵy ret oktagonǵa 2023 jyldyń aqpanynda shyǵyp, aýyr salmaqtaǵy tıtýldyq jekpe-jekte Raıan Beıderden jeńilis tapqan bolatyn. Ol kezdesý Bellator lıgasynda ótken, alaıda ol qazir basqa promoýshenmen birigip, endi joq.
Aıta keteıik, bıylǵy jyldyń basynda reseılik aralas jekpe-jek sheberi Fódor Emelánenko sambodan Reseıdiń eńbek sińirgen jattyqtyrýshysy atandy.