Brıtandyq aýyr salmaqtaǵy boksshylar Taıson Fúrı men Entonı Djoshýa arasyndaǵy jekpe-jek 2026 jylǵy 11 jeltoqsanǵa josparlanǵan. Ekeýiniń jalpy gonorary shamamen 200 mıllıon dollardy quraıdy, dep habarlaıdy infohub.kz saıty.
«Izvestıa» basylymy The Athletic jarıalanymynyń aýdarmasyna silteme jasap habarlaýynsha, jekpe-jek Ýels astanasy Kardıfftegi «Mıllenıým» stadıonynda ótedi. Alańdy tańdaý uzaq talqylaýlardyń nátıjesinde sheshildi, alaıda bul pikirtalastar jekpe-jekti uıymdastyrýdy birneshe ret toqtatyp qalý qaýpin týdyrǵan.
«Qarjylandyrýǵa jaýapty taraptar shoýdy Nú-Iorkte ótkizýdi usynǵan bolatyn. Fúrı AQSH-ta judyryqtasýǵa daıyn ekenin bildirdi, alaıda Djoshýa men onyń promoýteri Ulybrıtanıada óner kórsetýdi talap etti», — delingen jarıalanymda.
Ymyraǵa kelisim retinde Ýels tańdalǵany atap ótildi. Kardıfftegi stadıonnyń jyljymaly shatyry jeltoqsanda aýqymdy is-shara ótkizýge múmkindik beredi. Sonymen qatar arenanyń tehnıkalyq múmkindikteri jekpe-jekti túnde bastaýǵa jol ashady, bul halyqaralyq kórermender men translásıalar úshin qajet.