Qazaqstannyń áıelder gandbol quramasy Azıa oıyndary-2026-daǵy sońǵy machyn Ózbekstan komandasyn 35:20 (15:9) esebimen senimdi jeńispen aıaqtady, dep habarlaıdy infohub.kz saıty.
Búkil oıyn boıy Marına Pıkalovanyń shákirtteri oıyn barysyn óz qoldarynda ustady. Qazaqstandyq gandbolshylar sheshýshi serpilisti birinshi taımnyń ortasynda jasap, esepti 6:5-ten 11:5-ke ózgertti. Osy aralyqta komanda kapıtany Irına Hasahanova eki gol soqty, Janerke Seıtkasym, Veronıka Hardına jáne Aıda Japarova bir-bir ret kózge tústi.
Birinshi taımdy alty dop basymdyqpen (15:9) utyp alǵan qazaqstandyqtar úzilisten keıin odan ári erkin oınap, machty senimdi jeńispen aıaqtady — 35:20. Sońynda Hasahanova, Aıda Japarova jáne Janerke Kýandykova alty-alty gol soqty. Qaqpashylar Damıra Japarova men Jannat Aıtenova taǵy da kóptegen tamasha seıvterimen kórermendi qýantty.
Týrnırdiń barlyq machyn oınaǵan qazaqstandyq gandbolshylar alty upaımen úshinshi orynǵa kóterildi. Ras, Qytaı quramasy eki mach az oınady: medal talasyna aralasý úshin oǵan aýtsaıderler — Gonkong pen Vetnamdy jeńý qajet.
Buǵan deıin qazaqstandyq gandbolshylar eki ret — 2002 jáne 2006 jyldary — Azıa oıyndarynyń kúmis júldegeri atanǵan. Azıada-2014-te qyzdarymyz qola júlde aldy.
XX Jazǵy Azıa oıyndary resmı túrde 19 qyrkúıekte ashylyp, 4 qazanda aıaqtalady. 45 eldiń sportshylary qatysatyn jarysta 460 komplekt medal sarapqa salynýda. Azıada-2026-da Qazaqstan quramasynyń quramynda 35 sport túrinen 558 sportshy óner kórsetýde.
Oıyndardyń birinshi kúni qazaqstandyqtar tórt altyn medal jeńip aldy. Oıyndar chempıondary atanǵandar: veloshabandozdar Rınata Sýltanova men Alekseı Lýsenko, sondaı-aq karateshiler Jolaman Bıgabyl men Sofá Berýlseva. Qurama qorjynyna besinshi altyndy MMA saıyskeri Erkinǵalı Búrkitalın, altynshysyn — aralas jekpe-jektegi komandalasy Qadyrbek Shynbaev qosty. 23 qyrkúıekte Lýsenko Azıa oıyndary-2026-nyń eki dúrkin chempıony atandy. Segizinshi joǵary dárejeli medaldi 24 qyrkúıekte eskekshiler Vladıslav Iakovlev pen Ivan Chernýhın erler arasyndaǵy qos eskekti qaıyq jarysynda jeńip aldy.
Oıyndardyń alty kúninen keıin Qazaqstan beıresmı medal esebinde tórtinshi orynda turdy.