InfoHub Logo

Germanıa Ýkraınaǵa alys qashyqtyqtaǵy qarý shekteýin alyp tastamaq – Reseı tarapynan qatań reaksıa týdy

Germanıanyń jańa kansleri Frıdrıh Mers Ýkraınaǵa alys qashyqtyqqa soqqy jasaıtyn qarýlardy jetkizýge qoıylǵan barlyq shekteýdi alyp tastaıtynyn málimdedi. Bul málimdeme Germanıa tarapy jaqyn ýaqytta Ýkraınaǵa áıgili “Taurus” qanatty zymyrandaryn berýi múmkin degendi bildiredi.

Mundaı sheshim Reseı saıasatkerleri tarapynan birden qatań synǵa ushyrady:

• RF Syrtqy ister mınıstri Sergeı Lavrov: «Germanıa "Taurus" zymyrandaryn berý arqyly soǵysqa avtomatty túrde qatysýshy elge aınalady», – dedi.
• Reseı Memlekettik Dýmasynyń depýtaty, general Andreı Kartopolov: «Eger Germanıa Ýkraınaǵa "Taurus" berse, biz Germanıa aýmaǵyndaǵy nysandardy zańdy soqqy nysanasy retinde qarastyramyz», – dep málimdedi.
• RF Prezıdentiniń baspasóz hatshysy Dmıtrıı Peskov: «Germanıa bul áreketimen Ýkraınany soǵysty jalǵastyrýǵa ıtermeleıdi», – dep atap ótti.
• Sergeı Lavrov taǵy da: «Berlın bul qadamy arqyly ótken ǵasyrdyń qateligin qaıtalap otyr. Ol úshin bizde tarıhı jaýap bar», – dep eskertti.

Atalǵan málimdemeler Ýkraınadaǵy soǵysqa Germanıanyń yqtımal qatysý yqtımaldylyǵyn arttyryp, geosaıası jaǵdaıdyń shıelenisýine sebep bolýy múmkin.