Qazaqstannyń sporttyq gımnastıka quramasy Japonıada ótken 2026 jylǵy jazǵy Azıa oıyndarynda erler arasyndaǵy jeke kópsaıysta óner kórsetýin aıaqtady. Sportshylar júldege qol jetkize almady, dep habarlaıdy infohub.kz saıty.
Jarys 21 qyrkúıekte Nagoıada ótti. Qazaqstandyq Nurtan Idrısov alty snarádtaǵy qorytyndysy boıynsha 76,965 upaı jınap, toǵyzynshy orynǵa turaqtady.
Idrısov eń úzdik nátıjesin tirep sekirýde kórsetti — tóreshiler ony 13,866 upaıǵa baǵalady. Saqınadaǵy jattyǵý úshin sportshy 13,266 upaı, qatarlas qos tirekte 13,300 upaı aldy.
Qazaqstannyń taǵy bir ókili İlıas Azızov 74,999 upaımen 13-oryndy ıelendi. Mılad Kárımı alty snarádtyń barlyǵynda óner kórsetýdi aıaqtaı almaı, kópsaıysta qorytyndy nátıjesiz qaldy.
Jeke kópsaıysta medal bolmaǵanyna qaramastan, qazaqstandyq gımnasttar Azıa oıyndaryndaǵy kúresin jalǵastyrady. Sportshylardy alda jekelegen túrler boıynsha fınaldar kútip tur. Onda alty snarádtyń árqaısysynda — erkin jattyǵýda, at ústinde, saqınada, tirep sekirýde, qatarlas qos tirekte jáne týrnıkte — júldeler sarapqa salynady.