Qazaqstandyq tenısshiler Andreı Golýbev pen Aleksandr Nedovesov 2026 jylǵy AQSh ashyq chempıonatyndaǵy ónerin aıaqtady, dep habarlaıdy infohub.kz saıty.
Sportshylar juptyq synda óner kórsetti. Birinshi aınalymda olardyń qarsylastary cheh Adam Pavlashek pen Patrık Rıkl boldy.
Mach nebári eki setke sozylyp, qazaqstandyq jup 5:7, 3:6 esebimen jeńilip qaldy.
Tenısshiler kortta 1 saǵat 20 mınýt ótkizdi. Osy ýaqyt ishinde Golýbev pen Nedovesov bir eıs jasady, alty qos qatelik jiberdi jáne eki breık-poınttyń birin iske asyrdy.
Olardyń shyǵyp qalýynan keıin US Open erler juptyq synynda qazaqstandyqtardan tek Aleksandr Býblık qaldy. Ol qytaılyq Szúnchen Shanmen birge ekinshi aınalymǵa shyqty. Áıelder juptyq torynda qazaqstandyq Anna Danılına serbıalyq Aleksandra Krýnıchpen birge oınaıdy.
US Open — maýsymdaǵy Úlken dýlyǵanyń qorytyndy týrnıri. Ol Nú-Iorkte qatty kortta ótedi.