Spýtnıkter Grenlandıanyń soltústik-batysyndaǵy Petermann muzdyǵynan 2012 jyldan bergi eń iri muz bólinýin tirkedi. Paıda bolǵan stol tárizdi aısbergtiń aýdany 76 sharshy shaqyrym — bul Manhettenniń kólemimen salystyrylady, al qalyńdyǵy 150 metrge jetýi múmkin, dep habarlaıdy infohub.kz.
Eýropalyq ǵarysh agenttigi «Kopernık-Sentınel-1» spýtnıgi arqyly 2026 jyldyń 4 tamyzynda Petermann muzdyǵynan qalqymaly muz massıvi bólingenin anyqtady. 3 tamyzdaǵy sýretter qalqymaly muz tiliniń ortasynda jaryqshaq paıda bolǵanyn kórsetse, kelesi kúni alyp massıv shyǵys jaǵynan tolyq bólinip ketken.
Ottava, Lıds, Lankaster jáne Stırlıng ýnıversıtetteriniń halyqaralyq ǵalymdar toby birneshe jyl boıy jaryqtardyń damýyn baqylaǵan. Ottava ýnıversıtetiniń ókili Adam Garbonyń aıtýynsha, zertteýshiler bul jaryqshaqty burynnan kútken.
Ǵalymdar kezekte taǵy eki iri bólik — aýdany 97 jáne 87 sharshy shaqyrym bolatyn muz kesekteri turǵanyn aıtady. Kanadalyq muz qyzmetiniń mamandary muz aralynyń dreıfin baqylaı bastady, óıtkeni mundaı nysandar keme qatynasyna qaýip tóndiredi.