Qazaqstan İshki ister mınıstrligi esirtki qylmysyna qarsy kúres qorytyndysyn shyǵardy, dep habarlaıdy infohub.kz.
Polisia.kz derekterine sáıkes, jyl basynan beri elimizde sıntetıkalyq esirtki óndiretin 17 jasyryn zerthana joıyldy. Jeti uıymdasqan qylmystyq toptyń áreketine jol berilmedi, olarǵa qatysty 12 qylmystyq is qozǵaldy. Toǵyz OQU kóshbasshysy men 41 top múshesi ustaldy.
«Tárkilengen "untaq" kólemi 865 kg qurady — bul mıllıondaǵan doza sıntetıkalyq esirtki, olar zańsyz aınalymǵa túsken joq. Bul — ondaǵan myń adamnyń esirtkige táýeldi bolýynyń aldyn alý, azamattardyń densaýlyǵyn saqtaý jáne adam ómirin arashalaý. Jasóspirimderdiń esirtki ortaǵa tartylýy erekshe alańdaýshylyq týdyrady», — dedi polısıa qyzmetkerleri.
Qazirgi ýaqytta 55 kámeletke tolmaǵan ustaldy, onyń 32-si esirtki satýǵa qatysy bar. Sondaı-aq esirtki bıznesiniń qarjylyq quramdas bóligine soqqy berý sharalary qabyldanýda.
İİM derekterine sáıkes, 258 mln teńge somasyndaǵy 10 myń karta-shot qatyryldy. Esirtki saýdasynyń kóleńkeli qarjy sqemalaryna qatysy bar 215 myń sheteldik karta-shot boıynsha tranzaksıalyq operasıalar shekteldi. 8,5 myń esirtki saıty buǵattaldy.