Úndistannyń Ýttarakhand shtatynyń turǵyny tamaq jetkizý qyzmetiniń kýrerine jańa Adidas krosovkasyn syılady. Kýrer oǵan qarapaıym rezına shárkeımen kelgen eken. Aqshaı esimdi er adamnyń bul qadamy mıllıondaǵan qaralym jınap, áleýmettik jelilerde úlken qoldaýǵa ıe boldy, dep habarlaıdy infohub.kz saıty.
NDTV basylymynyń jazýynsha, Aqshaı kýrerdiń búkil aýysym boıy aıaǵynda qarapaıym rezına shárkeımen júrip, jumysyn atqaryp júrgenine nazar aýdarǵan.
Jarıalanǵan beınejazbada Aqshaı ózine jaqynda jetkizilgen brendtik krosovkany ashyp kórsetken. Alaıda ol jańa aıaq kıimdi ózine qaldyrmaı, kýrerge berýdi jón kórdi. Sebebi onyń aıtýynsha, kýrerge ol qazir kúndelikti aýyr jumysyna qatty qajet. Kýrer aldymen qysylyp qalǵan, biraq keıin rızashylyqpen syılyqty qabyl alyp, jańa krosovkany dereý kıip kórgen.
Bul qadamnyń beınejazbasy Instagram platformasynda tez tarap, eki mıllıonnan astam qaralym jáne júzdegen myń laık jınady. Áleýmettik jeli qoldanýshylary pikirlerde Aqshaıdyń meıirimdiligi men jetkizý qyzmeti qyzmetkerleriniń eńbegine degen qurmetin maqtap, mundaı qarapaıym adamgershilik áreketter álemdi jaqsartatynyn atap ótti.
Post avtorynyń ózi tanymaldyqqa umtylmaǵanyn, tek kún saıyn jaıaý júrip, shaqyrymdardy basyp ótetin adamnyń jumys kúnin jeńildetýdi ǵana qalaǵanyn aıtty.