Qazaqstan quramasynyń jartylaı qorǵaýshysy Islam Chesnokov Reseı Premer-lıgasynyń toǵyzynshy týrynda Máskeýdiń «Lokomotıvine» qarsy syrt alańdaǵy machta «Krylá Sovetov» sapynda negizgi quramda alańǵa shyqty. «RJD Arenada» ótken kezdesý 1:1 esebimen teń aıaqtaldy, dep habarlaıdy infohub.kz saıty.
Chesnokov oıyndy samarlyq komandanyń shabýyldaǵy oń qanatynda bastady. 44-shi mınýtta qazaqstandyq fýtbolshy sary qaǵaz aldy, al úziliste «Krylá» bas bapkeri Sergeı Býlatov ony Nıkıta Saltykovqa aýystyrdy.
Birinshi taım golsyz ótti. Úzilisten keıin esepti «Lokomotıv» ashty: 53-shi mınýtta Nıkolaı Komlıchenko kózge tústi. «Krylá Sovetov» 67-shi mınýtta jaýap qaıtardy – qosalqy quramnan shyqqan Amar Rahmanovıch Saltykovtyń pasynan keıin esepti teńestirdi.
Qalǵan ýaqytta komandalar basqa gol soqpady – 1:1. Toǵyz týrdan keıin «Krylá Sovetov» 11 upaı jınap, toǵyzynshy orynda tur. «Lokomotıv» jeti upaımen 13-shi orynda. Kósh basynda «Krasnodar» (20 upaı) keledi.
Chesnokov samarlyq klýbqa 18 tamyzda qostanaılyq «Tobyldan» jalǵa berý negizinde aýysqan. Kelisim 2026/27 maýsymynyń sońyna deıin jasalǵan jáne fýtbolshyny satyp alý opsıasyn qarastyrady.
«Lokomotıvpen» kezdeskenge deıin 26 jastaǵy qazaqstandyq RPL-daǵy «Akron», «Ahmat» jáne «Krasnodar» machtarynda alańǵa shyqqan. «Rodınamen» oıynda ol qosalqy quramda qaldy.