InfoHub Logo

Uıymdastyrylǵan oqý is - áreketiniń tehnologıalyq kartasy
Jas toby: «Erketaı» mektepaldy daıarlyq toby.
Bilim berý salasy: «Qatynas»
Oqý is - áreketi: Til damytý
Taqyryp: «Jabaıy ańdar», «Tapqyr qoıan» /ertegisi/
Maqsaty: Jabaıy janýarlar mekeni, qorektenýi jáne olardyń jabaıy dep atalýy, bir - birimen baılanysy týraly túsinik berý. Balalarǵa erteginiń jospar boıynsha mazmunyn aıtýdy úıretý arqyly zeıinderin este saqtaý, sóz dybystaryn anyq aıtý, sóıleý oılaý qabiletterin damyt, ertegini sýret boıynsha aıtýǵa jattyqtyrý. Tabıǵattyń bir bóligi - janýarlardy qamqorlyqqa alýǵa tárbıeleý.
Bılıngvaldy quraǵysh: Janýarlar - jıvotnye qoıan - zaıas
Sózdik jumys: Bóltirik, myrshaı, mıyǵynan kúlý.
Tehnologıalyq qamtamasyz etý: Sýretter, oıynshyqtar, mnemosqema.

Motıvasıalyq - qozǵaýshylyq
1. Shattyq sheńberi:
Úlkenge de siz!
Kishige de siz!
Úlkenderdi qurmettep,
Bas ıemiz biz!

Uıymdastyrýshylyq – izdenýshilik
Top bólmesi orman buryshyndaı etip bezendirilgen. Orman janýarlarynyń beınesi turǵyzylyp qoıylǵan.
Kirispe bólimi.
Jumbaqtar.
Bulańdaǵan quıryǵy,
Bir aldarlyq qýlyǵy

Syldyrdan qorqady,
Shoshynyp jortady.

Balalarǵa jabaıy ańdar týraly qysqasha túsinik berý.
Sózdik jumys:
Bılıngvaldy quraǵysh:
- Balalar osy janýarlardy bir sózben qalaı ataıdy?
Jańa taqyryp: «Jabaıy janýarlar»
Balalar biz búgingi sabaqta osy jabaıy janýarlar týraly áńgimelesemiz.
Jabaıy ań – qolǵa úırenbegen tuz janýary, ıaǵnı óz betimen tabıǵatta tirshilik etedi. Keıbir ańdar ormanda, dalada, taýda da tirshilik etedi. Olar ózderinen kishi kúshi álsiz janýarlardy jep qorektenedi. Olardan barlyq usaq ańdar qorqady:/Qoıan, tyshqan, kórtyshqan t. b
Barlyq jyrtqyshtar jemtigin taýyp jeýge beıimdelgen. Olardyń kózderi qyraǵy, qulaqtary saq, ıis sezýi jaqsy jetilgen
Jabaıy ańdardyń da balalary bolady.
Qasqyrdyń balasy – bóltirik.
Qoıannyń balasy – kójek.
Túlkiniń balasy – myrshaı(jaýtań)
Aıýdyń balasy - qonjyq.
Jolbarystyń balasy - shónjik.
Arastannnyń balasy - abdan.

Negizgi bólim.
A) Balalar men senderge osy jabaıy janýarlar týraly ertegi oqyp bereıin.
Erteginiń aty «Tapqyr qoıan» dep atalady.
1. Endeshe ertegini muqıat tyńdańdar
a) ertegini mánerlep oqý.
b) ertegi mazmunymen tanystyrý.
v) suraq - jaýap.
- Balalar ań patshasy kim eken?
- Ol ańdarǵa qandaı tapsyrma berdi?
- Jolbarys sýdy kimge ish – dedi?
- Qoıan ne oılady?

Mıyǵynan kúldi - ezý tartty, murtynan kúlý.
Qoıan - zaıas,
Aıý - medved
Túlki - lıso
Qasqyr - volk

Biz ormanǵa baramyz,
Jan - jaǵymyzǵa qaraımyz.
Aıý shyqty qorbańdap,
Qasqyr shyqty yryldap,
Túlki shyqty maıysyp,
Qoıan shyqty sekirip,
Qoryqpańdar balala,
Óz ornyńdy tabyńdar.
- Balalar ertegini myna sýret arqyly áńgimeleıik.

Jabaıy, ańdar degen sózderdiń jýan, jińishke estilýin anyqtaý jáne osy sózderdi býynǵa bóldirý.
Ja - ba - ıy, ań - dar
R - r - r - yryldaıdy qasqyr
Ur - ur - ur - Balam ornyńnan tur,
Qoıannyń túsi sur.
J - j - j - Qoıan jolbarysty jyqty.

Dápterdegi tapsyrmany oryndatý. Sýretten janýarlardyń quıryqtaryn taýyp, syzyp kórsetý.

«Tanyp al, atyn aıt», «Neniń quıryǵy»
«Daýsynan tany?»
Sharty: aýdıo taspadan ár túrli janýarlardyń daýystaryn tyńdatyp, olardyń atyn atatý.

Jabaıy ańdar, Tapqyr qoıan ertegisi júkteý