InfoHub Logo

Hyundai Auto Kazakhstan kompanıasy Tucson NX4 FL ıelerine baǵdarlamalyq jasaqtamany jańartý qajettigi týraly habarlady. Bul shara aldyn alý maqsatynda júrgiziledi.

Buǵan deıin AQSH-ta Hyundai kompanıasynyń 420 myńnan astam avtokóligi baǵdarlamalyq jasaqtamadaǵy aqaýǵa baılanysty keri shaqyrylǵan bolatyn. Bul aqaý tejegishtiń kenetten iske qosylýyna sebep bolýy múmkin edi.

Qazaqstan Respýblıkasy aýmaǵynda bul servıs naýqany resmı túrde jarıalanbaǵanymen, Hyundai Motor Company kompanıasynan 25 mamyrda Tucson NX4 FL avtokólikterine arnalǵan servıs naýqanynyń bastalǵany týraly habarlama keldi. Naýqan Qazaqstanda satylǵan jekelegen avtokólikterge qatysty.

Kompanıa ókilderiniń aıtýynsha, bul aldyn alý sharasy bolyp tabylady. Ol aldyńǵy soqtyǵysty boldyrmaý júıesiniń (FCA) baǵdarlamalyq jasaqtamasyn jańartýdy qamtıdy. Avtokólikterde tejegishpen problemalar joq, biraq jańartý belgili bir jol jaǵdaılarynda kómekshi júıeniń durys jumys isteýi úshin qajet.

Hyundai Motor Company málimetinshe, Qazaqstandaǵy servıs naýqanyna 388 Tucson NX4 FL avtokóligi qamtylǵan. Marat Smagýlov, Hyundai Auto Kazakhstan dırektory, Qazaqstanda FCA júıesiniń jumysyna baılanysty shaǵymdar nemese oqıǵalar tirkelmegenin atap ótti. Naýqan standartty halyqaralyq profılaktıkalyq qyzmet kórsetý tájirıbesi aıasynda júrgiziledi.

Júıeni qaıdan jańartýǵa bolady

26 mamyrdan bastap resmı dılerler servıs naýqanyna iligetin avtokólik ıelerin dıagnostıka men baǵdarlamalyq jasaqtamany jańartý úshin dılerlik ortalyqqa kelý qajettigi týraly habardar etedi. Bul jumystar tegin júrgiziledi jáne shamamen 20 mınýt ýaqytty alady.

Sondaı-aq, kompanıa Tucson NX4 FL ıelerine suraqtary bolsa nemese avtokóliginiń servıs naýqanyna iligetinin teksergisi kelse, baılanys ortalyǵyna nemese resmı dılerge habarlasýǵa bolatynyn málimdedi.