InfoHub Logo

Sabaq maqsaty: Jaqsylyq jasaýdyń adam ómirindegi mańyzdylyǵy jónindegi túsinikterin keńeıtip, jaqsylyq jasaýdyń qundylyq retindegi mánin uǵyndyrý.
Mindetteri:
- oqýshylardyń «jaqsylyq jasaý» týraly bilimderin keńeıtý;
- jaqsylyq jasaý iskerlikterin damytý;
- meıirimdi, qaıyrymdy bolýǵa tárbıeleý..

Sabaq barysy:
1. Uıymdastyrý kezeńi.
Tynyshtyq sáti. «Nurǵa bólený» yńǵaılanyp otyryńyzdar, denelerińizdi túzý ustańyzdar. Aıaq – qolyńyzdy aıqastyrmańyz, qolyńyzdy tizege nemese ústelge qoıýǵa bolady. Kózderińizdi jumýlaryńyzdy ótinemin. Elestetip kórińiz: kún nury sizdiń tóbeńizden ótip, keýdeńizge qaraı boılap, barady. Keýdeńizdiń orta tusynda gúl túınegi ornalasqan. Gúldiń túınegi nurdan baıaý ashylyp keledi. Balǵyn, taza, ásem gúl sizdiń ár oıyńyzdy, ár sezimińizdi, emosıańyzdy tilek qalaýyńyzdy shaıyp, júregińizdiń qaýyzyn ashty. Nur sáýlesi sizdiń boıyńyzǵa aqyryn taraı bastaǵanyn elestetińiz. Ol birtindep kúsheıe túsýde. Oı men osy nurdy qoldaryńyzǵa túsirińiz. Sizdiń qoldaryńyz nurǵa bólenip, sáýle shashýda. Qolymyz tek jaqsy, tek izgi isterdi isteıdi jáne barshaǵa kómektesedi. Nur aıaqtaryńyzǵa tarady. Aıaqtaryńyz nur sáýlesin shashýda. Olar sizdi tek jaqsylyq jasaý úshin jaqsy jerlerge aparady. Olar nur men mahabbat quralyna aınaldy. Odan ári nur sizdiń aýzyńyzǵa, tilińizge tarady. Tilińiz tek shyndyqty jáne jaqsy, izgi sózder ǵana aıtady. Nurdy qulaqtaryńyzǵa baǵyttańyz, qulaqtaryńyz tek jaqsy sóz ben ásem áýendi ǵana estıdi. Nur kózimizge de jetti. Kózimiz tek jaqsyǵa qarap, bárinen jaqsylyqty ǵana kóredi. Sizdiń basyńyz túgeldeı nurǵa bólenip, basyńyzǵa tek izgi, sáýleli oı keledi. Nur birte - birte qarqyndy jáne shuǵylana bastaıdy, sizdiń deneńizden shyǵyp, jan - jaǵyńyzǵa sáýle shashady. Osy nurdy týysqandaryńyzǵa, muǵalimderińizge, dostaryńyzǵa, tanystaryńyzǵa baǵyttańyz. Nurdy ýaqytsha túsinispeı, renjisip júrgen adamdarǵa da baǵyttańyz. Olardyń da júregi nurǵa tolsyn. Osy nur búkil álemge: barlyq adamdarǵa, jan - janýarlarǵa, ósimdikterge, tiri janǵa taralsyn. Ǵalamnyń barlyq túkpir - túkpirine nur baǵyttańyz. Oısha aıtyńyz: «men nurlymyn,,, nur meniń ishimde,,, men nurmyn...» Osyndaı nur, mahabbat jáne tynyshtyq kúıinde otyra turyńyz... endi osy nurdy júregińizge ornalastyryńyz. Nurǵa toly búkil álem sizdiń júregińizde. Ony osyndaı ásem qalypta saqtańyz. Jaımen kózińizdi ashýǵa bolady. Rahmet.
1. 1. Sizge «tynyshtyq sáti» unady ma?
2. 2. Qandaı sezimde boldyńdar?

2. Úı tapsyrmasyn tekserý: «Qýanamyn» sózjumbaǵyn qurastyryp kelý.
Mátin boıynsha pikir almasý suraqtary

3. Áńgimelesý:
1. Balalar, jaqsylyq degen sózdiń maǵynasyn qalaı túsinesińder?
2. Jaqsylyq jasaý degen ne?
3. Jaqsylyq adamnyń boıynda qandaı qasıetter bolady?
4. Jaqsylyq jasaý adamnyń paryzy ma?

4. Mátinmen jumys. «Jaqsylyqqa – jaqsylyq».(Ertegi)
Mátin boıynsha pysyqtaý suraqtary:
1. Bala ózimshildiginen qalaı aıyrylady?
2. Bala ómirden alǵan sabaqtarynan taǵy qandaı qorytyndy jasaýy múmkin?
3. Ózderińniń rıasyz jaqsylyq jasaǵan kezderiń boldy ma?

5. Dáıek sóz. «Jaqsy sóz – jarym yrys»
6. Toppen án aıtý. «Biz ómirimizdiń gúlimiz» Sózi: Á.. Dúısenbıev. Áni: B. Ǵızatov
7. Úı tapsyrmasy.
Jaqsylyq jasaý adamnyń paryzy ma? oı tolǵaý

8. Sońǵy tynyshtyq sáti.
Yńǵaılanyp otyryńyzdar, kózimizdi jumyp, erkin jaıǵasaıyq. Búgingi ótken sabaǵymyzdan neni túsindik, qandaı nárselerdi úırendik, ózimizge neni aldyq sol jóninde oılanaıyq. Osynyn barlyǵyn júregimizge salyp, kókemizge túıip alaıyq.
Áýen daýysy báseńdegennen keıin kózderińizdi ashýlaryńyzǵa bolady.
Sabaq aıaqtaldy. Saý bolyńyzdar!