InfoHub Logo

Tanymal ánshi Erkesh Hasenniń áleýmettik jelidegi jazbasy kópshiliktiń nazaryn aýdardy. Óner ıesi alǵash ret ózinen 11 jas úlken ekinshi áıelimen birge túsken beınejazbasyn jarıalady. Bul áreketi ánshiniń tyńdarmandary arasynda túrli pikir týdyrdy.

Bul týraly Infohub.kz aqparat agenttigi habarlaıdy.

Ánshiniń óziniń ánimen birge jarıalaǵan bul vıdeosyn kópshilik ekinshi áıeline arnaǵan dep topshylady. Alaıda, bul jańalyq ánshiniń burynǵy jazbalary men otbasylyq jaǵdaıyn biletin jankúıerlerin erekshe tańǵaldyrdy.

Jurtshylyqtyń narazylyǵy

Jeli qoldanýshylary ánshiniń bul qadamyn synap, pikirlerin aıamady. Kópshilik onyń birinshi áıeli men qyzyna obal bolatynyn aıtyp, alańdaýshylyq bildirdi. Keıbir pikirlerde:

«Birinshi kelinshegine alaqanda aıalaıtyn adam buıyrsyn», «Qyzyna obal boldy. Erteń óskende ne dep jaýap beresiń?», «Tym jaqsy jigit ediń ǵoı. Nege shalys bastyń?», «Ádemi bolsa meıli eken», «Birinshi kelinshegine baqyt tileımin tek», «Jetisken ekensińder», «Ashyq kórsetýge bekinipti ǵoı» degen sıaqty pikirler jazyldy.

Bul jaǵdaı ánshiniń jeke ómirine qatysty qoǵamdaǵy pikirtalasqa arqaý boldy.