InfoHub Logo

Taqyryby: Júrekti jylytar meıirimdilik
Kórnekiligi: Slaıd, vıdeorolık, plakattar
Maqsaty: Adam boıyndaǵy asyl qasıtterdiń biri meıirimilik týraly jan jaqty oı qozǵap, oqýshylardyń ónerlerin tamashalaý
1 - júrgizýshi:
Qaıyrly kún ustazdar, oqýshylar búgingi « Júrekti jylytar meıirimdilik»atty sharamyzǵa qosh keldińizder!

2 - júrgizýshi:
Meıirimdilik - adamnyń ózge bireýge jylylyǵyn, izgi nıeti men lebizin bildirý kórinisi. Meıirimdilik adamdar arasyndaǵy syılastyq, keń peıildilik, janashyrlyq, izgi nıet sekildi qasıetterge negizdeledi. Meıirimdilik adamnyń joǵary adamgershilik belgisi retinde onyń búkil tynys - tirshiligin, jan - dúnıesin jadyratatyn, shat - shadyman tirshiligi úshin qajetti asa mańyzdy qasıettiń biri. Endeshe meıirimdilik sezimi jaıly vıdeorolıkke nazar aýdaraıyq!

1 - júrgizýshi:
Iá, durys aıtasyń.............. Meıirimdilik mahabbat, qaıyrymdylyq, adaldyq sekildi aq júrekten shyǵady dep hákim Shákárim beker aıtpasa kerek.

2 - júrgizýshi:
Qazaqtyń dástúrli ádep júıesinde meıirimdilik adamdar arasyndaǵy adamgershilik, izgilik pen izettilik, ımandylyq pen ınabattylyq sekildi asyl qasıettermen úndestik tapqan. J. Balasaǵun: kir tıgizbeı usta oıyńnyń órisin, meıirim etseń - meıirimdilik kóresiń dep, meıirimdilikke zor mán bergen eken.

1 - júrgizýshi:
Meıirimdilik - ǵajaıyp ómir esigi,
Meıirimdi bolsań - sazdy áýenmen terbetiler besigiń.
Ashyq bolsań muqtajdarǵa kóńiliń men esigiń,
Meıirimsiz bolsań, alladan bolmas keshirim.

2 - júrgizýshi:
Qol ushyn ber jetimderge jylaǵan,
Qaıtarma qolyn, ananyń kómek suraǵan.
Oý, adamzat, sińirgen boıǵa meıirimdi,
Ótinip sony, sizderden árkez suranam.
Meıirimdi izde, taza, ańǵal júrekten,
Selt etkizip sezimdi boıda dir etken.
Meıirim ana boıynda sińirgen boıǵa, moıynda,
Ómirge myna jylylyqpen gúl ekken.

1 - júrgizýshi:
Endeshe, aldaryńyzda ásem ánimen _________________ qarsy alyńyzdar
1. Zarına
Jaqsy adam kóńili kún –
Janǵa sáýle túsirgen.
Nashar adam kóńili tún –
Keýdeden otty óshirgen.
2. Azamat
Talpyn jaqsy bolýǵa,
Kúndeı sáýle shashatyn,
Bilim izdep óner tap,
Túndi kúndeı ashatyn.
3. Albına
Aıtqan tildi alamyn,
Aıtqan jerge baramyn.
Men ádepti, men ádepti balamyn.
4. Ernaz
Tolǵan aıdaı jan bolsań,
Tolsyn aqyl ishińe.
Kún kózindeı jan bolsań,
El súısinsiń isińe.
5. Ásel
Syılastyqty izdegen,
Ádep saqtar izgi óren.
Sypaıylyq belgisi –
Úlkenderge «Siz» degen.

1 - júrgizýshi:
Qazir oqýshylarǵa slaıd arqyly jaǵdaıattar beriledi, solarǵa jaýap bereıik
Jaǵdaıattardy sheshý:
1 - jaǵdaıat: Sen aýlada rolık teýip júrdiń, al seniń dosyńnyń rolıgi joq, seniń áreketiń?
2 - jaǵdaıat: Seniń aldyńnan bir qushaq gazet - jýrnal kótergen hat tasýshy apaı shyqty, sen ne ister ediń?
3 - jaǵdaıat: Seniń anań as daıyndap jatyr, al iniń mazasyzdanyp ketti, seniń áreketiń?
4 - jaǵdaıat: Seniń aldyńnan aýyr sómkelerin kótergen áje shyqty, sen abaısyzda ol ájeni qaǵyp kettiń, onyń sómkesindegi zattary shashylyp qaldy, sen ne ister ediń?
Jaýaby
1. Eger mende rolık bolyp, janyndaǵy dosymda rolık bolmasa, men onyń ruqsatymen rolıkti kezektesip tebýge keliser edim.
2. Eger aldymnan hat tasýshy shyqsa, onyń kóńilin aýlap, jumysyn jeńildetip, gazetterin kóterisýge kómekteser edim.
3. Anam alańsyz tamaq daıyndaýy úshin, inimdi aldandyryp oıyn oınatqyzar em.
4. Keshirim surap, shashylǵan zattardy jınap, úıine aparýǵa járdem berer edim.
2 - júrgizýshi:
Kempirqosaq jeti tústen turady.
Osy tústerdiń árqaısysynda jaqsy aqyl keńes bar eken.
1. Ár kúnińdi jaqsy oılar oılaýmen basta, bos ótkizbe
2. Kúni boıy ózińdi qorshaǵan adamdardyń bári týraly tek
súıispenshilikpen jáne izgilikpen oılaı júr
3. Uıyqtar aldynda búgin qansha adamdy qýanttym, jubatqanyńdy, qaıyrym jasaǵanyńdy esińe túsir.
4. Basqalardyń qajetine jaraı bilýge talpyn.
5. Ata — anańnyń meıirim shýaǵyn sezinip, qadirleı bil..
6. Tynyshtyq saqtaı bilýge úıren, Názik únmen bıazy, mádenıetti sóıleýge úıren
7. «Jaqsylyqqa jaqsylyq — ár kisiniń isi, Jamandyqqa jaqsylyq er kisiniń isi» degen maqaldy túsinip jadyńa usta.
(baıaý mýzyka oınap turady)
1 - júrgizýshi:
Jaqsy bolý ózińnen
Jaman bolý ózińnen,
Ózińdi óziń aıa da,
Ózińnen úıren, ózińnen.
Jaqsylyq kórseń bireýden,
«Men qandaımyn?» — dep oıla.
2 - júrgizýshi:
Jamandyq kórseń bireýden,
«Men qandaımyn?» — dep oıla.
Ózińdi óziń qolyńa al,
Ózińsiń aqyl aınasy.
Tıedi saǵan máni bar,
«Ózińdi taný» paıdasy.
Shara taqyrybyna oraı meıirimdilikke jeteleıtin, aqyl, qaırat, bilimdilik qasıetteri jaıly qysqasha kórinisimizdi nazarlaryńyzǵa usynamyz. Qabyl alyńyzdar.
Júrek:
– Men adam balasyn alalamaımyn: jaqsylyqqa eljirep, erıtuǵyn – men, jamanshylyqtan jırenip, týlap ketetuǵyn – men. Ádilet, nysap, uıat, raqym, meıirbanshylyq deıtuǵyn nárselerdiń bári menen taralady. Júrek janynda turǵan «Aqyl» men «Qaıratqa» qarata sóz sóıleıdi:
– Eı, aqyl! … Amal da, aıla da – bári senen shyǵady, jaqsynyń, jamannyń ekeýiniń de súıengeni – sen ekeýiniń de izdegenin taýyp berip júresiń – sonyń jaman.
– Eı, qaırat! Sen de jaqsylyqty berik ustap, keıde jamandyqty berik ustap ketesiń – sonyń jaman. Ortada boı talastyrǵan úsheýge ádil tórelikke «Bilim» ata keledi.
Bilim:
– Seniń úsheýińniń basyńda qospaq – meniń isim. Biraq sonda bıleýshi, ámirshi júrek bolsa jaraıdy. Osy úsheýiniń basyńdy qos, sonyń ishinde júrekke bılet.
1 - júrgizýshi:
Úsh - aq nárse – adamnyń qasıeti:
Ystyq júrek, nurly aqyl, jyly júrek.
Bireýiniń kúni joq, bireýinsiz,
Ǵylym sol úsheýiniń jolyn bilmek.
2 - júrgizýshi:
Tabıǵattaǵy barlyq jylý – kúnnen,
Ómirdegi barlyq jylý – adamnan.
1 - júrgizýshi:
Endeshe, adamdar bir — birine jyly sezimin bildirip, tek jaqsylyq oılaý, ıgilik jasaý arqyly meıirimdilik tanyta alady.
Jaqsylyqpen - kári - jastyń kúıin bil,
Sóz, isińmen el - jurtyńdy súıindir.
Esendikte izgilik et, tarylma.
Júzinde jylý, júreginde meıirimdiligi mol, kún kózindeı jarqyraýdy qalaıtyn jas órenderdiń oryndaýynda «Árqashan kún sónbesin» áni. Qabyl alyńyzdar!
2 - júrgizýshi: Júregimiz jylylyqqa kóńilimiz shattyqqa, júzimiz qýanyshqa tolyp, búkil adamzat balasyn jaqsylyqqa jeteleıtin meıirimdilik qasıeti sónbeı, ár kúnimiz ádemi ótsin. Jaqsylyqtyń jarshysy bolyńyzdar! Bar bolyńyzdar! Baqytty bolyńyzdar!
Birge: Kelesi kezdeskenshe aman saý bolyńyzdar!