InfoHub Logo

2026 jyldyń ekinshi jartysynan bastap Eýrazıalyq ekonomıkalyq odaq (EAEO) elderinde Temu, AliExpress, iHerb sıaqty sheteldik onlaın saýda alańdarynan satyp alynatyn taýarlarǵa qatysty jańa erejeler qoldanysqa engiziledi. Bul ózgerister qazaqstandyqtar úshin neni bildiretinin Qarjy mınıstrligi túsindirdi.

Bul týraly Infohub.kz aqparat agenttigi habarlaıdy.

Taýarlardyń quny 200 eýrodan aspasa

Eger sizdiń satyp alǵan taýaryńyzdyń quny 200 eýrodan (shamamen 114 000 teńge) aspasa, onda eshteńe ózgermeıdi:

Jańa kedendik deklarasıa

Sheteldik marketpleısterden alynatyn taýarlar «elektrondyq saýda taýarlary» dep atalatyn jeke sanatqa jatqyzylady. Bul taýarlar úshin «elektrondyq saýda taýarlaryna arnalǵan deklarasıa» atty jańa kedendik deklarasıa túri engiziledi. Bul deklarasıada 999 túrli jeke tulǵanyń taýarlary týraly málimetterdi kórsetýge bolady. Mundaı deklarasıany satyp alýshylar atynan «elektrondyq saýda operatorlary» – keden isi salasyndaǵy jańa ınstıtýt usynatyn bolady.

Salmaq shegi alynyp tastalady

Taýardyń salmaǵyna qatysty 31 kılogrammdyq shekteý alynyp tastalady. Degenmen, 200 eýrolyq bajsyz satyp alý lımıti saqtalady.

200 eýrodan asqan taýarlarǵa salyq

Eger taýardyń quny 200 eýrodan assa, onda onyń qunynan 5% kedendik baj jáne 16% QQS alynady. Mysaly, quny 250 eýro (shamamen 142 500 teńge) bolatyn taýar úshin 12,5 eýro (shamamen 7000 teńge) baj jáne QQS tóleý qajet bolady. Al 500 eýrolyq (shamamen 285 000 teńge) taýarǵa 25 eýro (shamamen 14 000 teńge) baj jáne QQS qosylady.

Qazirgi ýaqytta mundaı taýarlarǵa bajsyz shekten asqan somanyń 15%-y mólsherinde biryńǵaı tólem qoldanylady.

Maqsat – ınternet-saýdany retteý

Jańa erejeler ınternet-saýdany retteýge jáne jeke paıdalanýǵa arnalǵan satyp alýlar syltaýymen komersıalyq partıalardy ákelýge jol bermeýge baǵyttalǵan. Bul ózgerister EAEO aýmaǵynda bar jáne jergilikti ınternet-alańdarda, sonyń ishinde Wildberries, Ozon jáne Kaspi.kz arqyly satylatyn taýarlarǵa áser etpeıdi.

Qarjy mınıstrliginiń habarlaýynsha, 200 eýroǵa deıingi jeke paıdalanýǵa arnalǵan taýarlardy tapsyrys beretin kóptegen satyp alýshylar úshin satyp alý jáne jetkizý prosesi ózgerissiz qalady.