Almatylyq «Qaırat» Qazaqstan Premer-lıgasynyń 24-týrynyń qorytyndy machynda qonaqta «Elimaıdy» 2:0 esebimen jeńdi. Qazirgi chempıon kezdesý taǵdyryn birinshi taımnyń ortasynda eki golmen sheshti, dep habarlaıdy infohub.kz.
32-mınýtta ıspanıalyq shabýylshy Mark Gýal esep ashty. Nebári úsh mınýttan keıin portýgalıalyq qorǵaýshy Lýısh Mata qonaqtardyń basymdyǵyn eki ese arttyrdy. Mach sońyna deıin «Elimaı» ese aıyrmasyn qysqarta almady – 0:2.
Bul jeńis «Qaıratqa» 51 upaı jınap, kósh bastap turǵan «Ordabasydan» qalǵan aıyrmany tórt upaıǵa deıin qysqartýǵa múmkindik berdi. Almatylyqtar 22 mach ótkizse, shymkenttikter 23 oıynda. «Elimaı» 32 upaımen altynshy orynda qaldy.
«Qaırat» úshin bul eýrokýbok irikteýi aıaqtalǵannan keıingi alǵashqy oıyn boldy. 27 tamyzda almatylyqtar Eýropa lıgasynyń pleı-off kezeńindegi jaýapty machta «Anderlehtten» 0:3 esebimen utylyp, týrnırden shyǵyp qalǵan edi. Endi Rafael Ýrazbahtın shákirtteri Konferensıalar lıgasynyń negizgi kezeńinde óner kórsetedi.