Almatylyq «Qaırat» klýbynyń fınlándıalyq shabýylshysy Oıva Iýkkola baspasóz máslıhatynda Qazaqstan chempıonaty men eýrokýbokterdiń deńgeıin salystyrdy, dep habarlaıdy infohub.kz saıty.
24 jastaǵy shabýylshy «sary-qaralar» sapyndaǵy alǵashqy maýsymyn ótkizip jatyr. Odan Qazaqstan premer-lıgasyndaǵy kórsetkishteri eýrokýbokterge qaraǵanda áldeqaıda joǵary ekeniniń sebebin surady. Iýkkolanyń aıtýynsha, buǵan birneshe faktor áser etedi — qarsylastyń deńgeıi joǵary bolýynan bastap sátsizdikke deıin.
«Árıne, Chempıondar lıgasynda deńgeı óte joǵary. Qazir Eýropa lıgasynda da bizdiń qarsylasymyz (belgıalyq "Anderleht" — red.) sol deńgeıge saı. Mundaı deńgeıde goldyq moment jasaý qıynyraq. Biraq "Levskımen" ótken jaýapty machta meniń múmkindikterim bolǵanyn kórdik. Men bir nemese tipti eki gol soǵa alar edim, biraq meniń kúnim emes edi. Árıne, mundaı machtar oıynshylarǵa joǵary talap qoıady. Qorǵanysqa kóbirek kúsh jumsaý kerek. Sonymen qatar, qarsylastar jeke dýelde kúshtirek. Machtar qıynyraq, biraq keıde jaı ǵana sáttilik bolmaıdy», — dedi Iýkkola.
«Qaırat» Chempıondar lıgasynyń úshinshi irikteý kezeńine deıin jetken, biraq bolgarıalyq «Levskıden» utylyp qaldy. Eýropa lıgasynyń pleı-off kezeńinde almatylyqtar belgıalyq «Anderlehtpen» kezdesedi. Bul juptyń jeńimpazy negizgi týrnırge shyǵady. Utylǵan komanda Konferensıalar lıgasynyń jalpy kezeńinde óner kórsetedi.