Qazaqstandyq sportshy Marıa Brovkova Polshada ótip jatqan baıdarka men kanoeden 2026 jylǵy álem chempıonatynda joǵary nátıje kórsetti. Ol óz synynda úzdik bestikke ene aldy, dep habarlaıdy infohub.kz saıty.
Senbi kúni Poznandaǵy jarysta Brovkova eki fınaldyq jarysta baq synady. Kanoe-jeke synynda 500 metr qashyqtyqta ol 2 mınýt 6,33 sekýnd nátıjemen besinshi orynǵa jetti. Qazirgi ýaqytta bul Qazaqstan quramasynyń osy týrnırdegi eń úzdik kórsetkishi.
Bul synda altyn medaldy kanadalyq Sofıa Iensen 2:00,78 nátıjemen jeńip aldy. Ekinshi oryndy vengrıalyq Agnes Anna Kıss (2:02,80) ıelense, úshinshi oryndy beıtarap mártebede óner kórsetken belarýstik Elena Nozdreva (2:04,80) aldy.
Kanoe-ekilik synynda 200 metr qashyqtyqta Brovkova Ýlána Kıselevamen birge 43,99 sekýnd nátıjemen toǵyzynshy orynǵa turaqtady. Jeńisti belarýstik Iýlıa Trýshkına men Inna Nedelkına (42,26) qanjyǵalady. Kúmis medal ózbekstandyq Shohsanam Sherzodova men Nılýfar Zokırovaǵa (42,52), qola medal Chanven Shýaı men Venszún Lınge (42,65) buıyrdy.
Baıdarka men kanoeden álem chempıonaty 30 tamyzda aıaqtalady.