Pop-ánshi Kaılı Mınoýg Avstralıa fýtbol lıgasynyń grand-fınaly aldynda Melbýrndegi stadıonda 20 mınýttyq tamasha óner kórsetýge daıyndalyp jatyr, dep habarlaıdy Billboard, infohub.kz saıtyna silteme jasap.
Ánshiniń shoýy 2026 jylǵy 26 qyrkúıekte ataqty «Melbýrn Krıket Graýnd» stadıonynda ótedi. Uıymdastyrýshylar lıga tarıhyndaǵy eń aýqymdy mach aldyndaǵy shoý bolatynyn ýáde etip otyr: ol avangardtyq sahna, bı nómirleri jáne vızýaldyq speseffektilerdi qamtıdy. Sport arenasyna shamamen 100 myń kórermen jınalady, al taǵy mıllıondaǵan adam teledıdardan tikeleı efırdi tamashalaıdy.
Melbýrnde dúnıege kelgen ánshi alǵash ret avstralıalyq fýtbol jónindegi ulttyq chempıonat fınalynyń hedlaıneri retinde óner kórsetedi. 58 jastaǵy oryndaýshy úshin bul oqıǵa týǵan sahnasyna kópten kútken oralý bolady. Mach qarsańynda Iarra saıabaǵynda eksklúzıvti merch satylatyn Kylie Village atty arnaıy jankúıerler aımaǵy da ashylady.
Shoýdy uıymdastyrýmen Mushroom Group kompanıasy lıga basshylyǵymen birlesip aınalysady. Mınoýg 2021 jyldan beri fınaldyń oıyn-saýyq baǵdarlamasyn basqarǵan alǵashqy avstralıalyq ártis bolady. Ótken jyldary mach aldynda sheteldik juldyzdar óner kórsetken, olardyń qatarynda Ketı Perrı, Snýp Dogg, Robbı Ýıláms jáne KISS toby boldy.